PS: Diskriminimi i fshatit, krijoi kushte per instalim te mafies

"Diskriminimi i fshatit ka krijuar kushte per instalim te mafies, te zhvillimit te trafikut te qenieve njerezore dhe bimeve narkotike. Fshataresia nuk do te clirohet kurre nga varferia, nese nuk do te investohet ne shendetesi, ne arsim, ne infrastrukture rrugore e ne bujqesi". Ky shqetesim u ngrit dje nga nensekretari per Programin Politik ne Partine Socialiste, Ilir Beqja. Ndalur ne kete ceshtje, Beqja vuri ne dukje se sot fshati eshte harruar dhe braktisur nga politika. Sipas tij, braktisja e bujqesise ka bere qe ne Shqiperi te shfrytezohet vetem 1/2 e siperfaqes se tokes qe shfrytezohej 16 vjet me pare. Gjithashtu, po ne kete linje, nensekretari socialist shtoi se "gjate 16 vjetesh tranzicion, duke lejuar ndryshimin e destinacionit per 19,5% te siperfaqes totale fushore, politika ka bere nje nga krimet me te renda, duke iu mohuar brezave te ardhshem mundesine per te shijuar prodhimet e tokes se tyre". Nderkohe, po dje, kreu socialist, Edi Rama, startoi turin e tij te Dialogut me Shqiperine per energjine dhe ujin, i cili do te finalizohet me protesten qytetare qe PS ne bashkepunim me te gjithe forcat politike opozitare do te organizoje me 21 dhjetor ne sheshin "Skenderbej". Takimet ne kuader te ketij dialogu nisen ne Maminas e kane vijuar me komunen e Katundit te Ri.