PS: Kriza, Ministria e Financave fshehu te ardhurat fiskale per 3-mujorin e pare

Partia Socialiste shprehu dje shqetesimin se qeveria e Sali Berishes, vazhdon te mbaje fshehur te vertetat per situaten ekonomike te vendit, ashtu si mbahet i fshehur ne kutite e Ruzhdijes, vullneti politik i shqiptareve ne 28 qershor 2009. Ne nje komunikim per mediat, deputeti socialist Ilir Beqja, tha se qe prej nje jave Ministria e Financave duhet te kishte bere publike situaten fiskale te tremujorit te pare 2010. Sipas tij, te dhenat mbahen te fshehta: sepse publikimi i tyre provon se vendi ndodhet ne krize ekonomike. "Vetem ne Tatimin mbi Vleren e Shtuar, deficiti eshte rreth 17 milione dollare. Ne tre muajt e pare te vitit 2010, TVSH eshte mbledhur vetem 4.1 % me shume se ne vitin 2009. Ekzaktesisht sa inflacioni ne tre muajt e pare", u shpreh Beqja. Ai theksoi se as ulja e pragut te TVSH-se nga 8 milione ne 5 milione, as nencmimi i lekut me me shume se 10 % nuk e kane fshehur dot renien e qarkullimit te mallrave dhe sherbimeve ne tremujorin e pare. Me tej, zyrtari socialist tha se tatim fitimi eshte realizuar 6.3 % me pak se 1 vit me pare, duke provuar se biznesi i madh eshte ne krize. Per te, tatimi mbi biznesin e vogel eshte realizuar 1.4 % me pak se 1 vit me pare duke provuar se edhe biznesi i vogel eshte ne krize. "Deficiti i te ardhurave ka dhene efekte edhe tek shpenzimet. Shpenzimet per paga jane realizuar 4.3 % me pak se 1 vit me pare. Deshmi kjo se buxhetoret kane marre me pak para se nje vit me pare duke provuar se keta njerez jetojne me keq se 1 vit me pare. Shpenzimet per investime publike jane realizuar 23 % me pak se 1 vit me pare. Prove kokeforte se sipermarrja ne Shqiperi eshte ne krize" deklaroi nensekretari per Programin ne PS. Beqja tha se "Berisha nuk mund t' i mashtrojne me shqiptaret qe i vuajne ne kurrizin e tyre pasojat e krizes ekonomike".