Turdiu: Vendimi per heqjen e vizave merret ne vjeshte

Pasi kane marre ne dore raportet e dy vendeve, Shqiperise dhe Bosnjes mbi permbushjen e kritereve per liberalizimin e vizave, vendet anetare te BE u hapen rruge diskutimeve ne Parlamentin Evropian. Fryma e raportit per Shqiperine eshte mjaft pozitive, thote Sekretari i Pergjithshem i Ministrise se Jashtme Gazmend Turdiu, i cili eshte dhe kryenegociatori ne nivel ekspertesh i Shqiperise per ceshtjen e vizave. Ne kete proces kriteri i vetem, qe ka ndjekur pala shqiptare eshte permbushja e detyrimeve dhe jo krahasimi me Bosnjen, pasi sic thote Turdiu, edhe vleresimi do te bazohet ne performancen individuale te secilit vend. Raporti vlereson Shqiperine per te kater shtyllat e udherrefyesit, sigurine e dokumenteve, ceshtje te kontrollit te kufijve apo migrimit. Vleresime pozitive kane marre perpjekjet e qeverise shqiptare dhe ne luften ndaj krimit te organizuar, madje krahasuar dhe me vende, te cilat perfituan nje vit me pare nga procesi i liberalizimit te vizave. Duke ndjekur axhenden normale te zhvillimeve ne Brukselin zyrtar, Turdiu thote se vendimi per liberalizim, do te merret ne vjeshten e ketij viti.
Vleresime pozitive per ecurine e Shqiperise ne permbushjen e kritereve te udherrefyesit per vizat, kane dhene edhe perfaqesues te Parlamentit Evropian, pas vezhgimeve te kryera ne terren.