PS: Kryeministri, jo kunderfirme

Partia Socialiste nuk do te pranoje ndryshimin e nenit 93 qe lidhet me kompetencat e Presidentit te Republikes. Ne kerkesen e saj, PD vleresoi qe neni 93 ndryshohet si vijon, "Presidenti i Republikes, ne zbatim te kompetencave te tij, nxjerr dekrete. Dekretet e Presidentit kunderfirmohen nga Kryeministri ose ministri perkates, me perjashtim te dekretit per shperndarjen e Kuvendit ne perputhje me nenet 87 dhe 104". Keshtu, nisur nga thelbi qe perfaqeson ky ndryshim, socialistet edhe pse jane ende ne diskutim te paketes se ndryshimeve kushtetuese te propozuara nga PD, jane shprehur kunder ketij propozimi. Nderkohe qe dhe vete brenda kampit te djathte ka mjaft perplasje lidhur me kete ceshtje. Burime prane Grupit parlamentar te PD-se bene me dije se jane shume zerat kunder paketes ne pergjithesi, por te disa ceshtjeve ne vecanti, sikurse eshte ndryshimi i ketij neni, apo menyra e zgjedhjes se Presidentit.