Meta: Opozita, jashte binareve te demokracise
Denis Dedej
Zevendeskryeministri i Shqiperise, Ilir Meta njeheresh minister i Jashtem, duke vleresuar situaten aktuale politike, u shpreh dje se nuk ka krize ne vend, por ka nje problem te madh, i cili eshte corientimi politik i opozites. Permes nje komunikimi per mediat, kreu i diplomacise shqiptare theksoi se per te pasur nje dialog duhet angazhimi i te pakten dy paleve, duke sjelle ne vemendje se qeveria mbetet nje pale e palekundur per te zhvilluar kete dialog. "Ne vend ka nje problem te madh i cili eshte corientimi politik i opozites. Eshte dalja e opozites nga binaret e demokracise dhe parlamentarizmit, dhe shpresoj qe kjo thjesht te jete e perkohshme dhe te jeni te sigurt, qe perpjekja e tyre per te agresivuar situaten ne vend ne menyre artificiale, do te deshtoje", vleresoi Meta si te vetmen krize ne vendin tone. Ai theksoi se qeveria eshte e vendosur te ece ne rrugen e reformave, eshte e vendosur te ece ne rrugen e nje zhvillimi te qendrueshem te vendit dhe nuk mundet kurrsesi te bjere ne nivelin e provokimeve aq te rendomta e te bezdisshme, tashme edhe per qytetaret shqiptare. Lideri i Levizjes Socialiste per Integrim tha gjithashtu, se opozita duhet te beje detyren e saj dhe duhet te jete vertete nje force qe punon per modernizmin e institucioneve, nje force qe konkurron me mazhorancen permes iniciativave legjislative me te mira. "Por po te jete per te share, kjo eshte nje e drejte e tyre per te share dhe per te nxire gjithe diten. Por nuk mendoj se do t'i vleresoje dikush per kete", vijoi me tej zevendeskryeministri shqiptar. I pyetur per nje zgjidhje, numri dy i qeverise shqiptare nenvizoi se per te pasur dialog duhen te pakten dy pale. Ai siguroi se qeveria mbetet nje pale e palekundur ne vullnetin per te zhvilluar dialogun dhe bashkepunimin me opoziten, por edhe me shoqerine civile, me gjithe grupet e interesit, sepse procesi i dialogut eshte shume me i gjere sesa vetem midis mazhorances dhe opozites. "Ne deshirojme dhe shpresojme qe te kete nje reflektim nga ana e lidershipit te PS-se, pasi kontributi qe kjo force politike dhe opozita mund te jap per integrimin e vendit, nuk eshte ne rruge sepse eshte thene me shume sesa nje here nga BE, qe bojkoti nuk eshte nje norme evropiane dhe qe nuk e ndihmon integrimin evropian. Por natyrisht qe kjo mbetet nje e drejte e tyre", deklaroi Meta. Zyrtari i larte i ekzekutivit tha gjithashtu se qeveria eshte e palekundur ne vullnetin e saj per dialog me opoziten, dhe me gjithe grupet e tjere te interesit ne vend. I pyetur mbi procesin e liberalizimit te vizave per vendin tone me Bashkimin Evropian, kreu i diplomacise shqiptare shprehu bindjen se brenda vitit 2010, shqiptaret do ta fitojne kete te drejte. Ministrit i Jashtem, Ilir Meta, siguroi se keto tre-kater muaj, situata ka qene jashtezakonisht dinamike dhe qeveria i ka permbushur pothuajse te gjitha kerkesat legjislative edhe teknike.
BOJKOTI
"Po, opozita eshte ne Parlament. Eshte zoti Dule ne Parlament. Eshte perfaqesues i opozites. Uroj qe te ndjekin shembullin e zotit Dule, te nje opozite konstruktive qe kundershtimin e vet, mendimet e veta i shpreh ne Parlament", u shpreh Meta.