PS: Nuk kemi asnje vendim politik, per zgjedhjet e pjesshme vendore
Menjehere pas vendimit te Komisionit Qendror te Zgjedhje per percaktimin e afatit perfundimtar te dorezimit te listes se kandidateve dhe komisionereve nga partite politike, nga ana tjeter Partia Socialiste, ende nuk ka nje vendim per pjesemarrjen ne zgjedhjet e pjesshme. "Nuk ka asnje vendim politik per zgjedhjet e pjesshme vendore", deklarojne per "Koha Jone", burime zyrtare prane selise roze. Socialistet, i jane pergjigjur ne menyre indirekte kryetarit te Komisionit Qendror, Arben Ristani i cili kerkoi dje qe partite politike te sillnin menjehere deri me 15 tetor listat e komisionereve dhe te regjistroheshin per zgjedhjeve vendore ne 5 njesite vendore. Pese kryetaret e ketyre njesive, te gjithe te PD, pasi garuan ne listen e kandidateve per deputete, tashme e kane bere betimin dhe ushtrojne funksionin e tyre si ligjvenes ne Kuvendin e Shqiperise. Kushtet e vendosura nga Partia Socialiste per hetimin e zgjedhjeve parlamentare te 28 qershorit, hapjen e kutive dhe cilesimi i Parlamentit si jo legjitim, nuk e vendosin kete parti ne raporte normale me zgjedhjet e pjesshme vendore, qe do te zhvillohen me 15 nentor. Kryetari i partise me te madhe ne opozite, ka theksuar domosdoshmerine e hetimit te zgjedhjeve, jo per te marre nje rezultat ne tavoline, por per te garantuar qe zgjedhjet e tjera qe do te zhvillohen ne Shqiperi, te mos kene te njejtat probleme. Kjo deklarate sjell edhe nje pikepyetje te madhe mbi mundesine e hyrjes se socialisteve ne zgjedhje te tjera, kur kerkesa per zbardhjen e zgjedhjeve te 28 qershorit ende nuk eshte plotesuar. Nderkohe qe ende mbetet per te pare ne lidhje me qendrimin zyrtar te socialisteve, ndaj ketyre zgjedhjeve ne pese njesite vendore. D.D