PS: Presidenti, ende pa ligj

Reforma
Debati per reformen ne drejtesi ka prekur edhe Presidentin e Republikes. Ne mbledhjen e djeshme te komisionit, anetaret e opozites kerkuan qe Presidenti te shprehet me dekret edhe ne rast se nuk e pelqen nje gjyqtar, ne momentin kur i behet propozim nga Keshilli i Larte i Drejtesise. Apo kur behet fjale per anetaret e Keshillit te Larte te Drejtesise. Deri me sot, kreu i shtetit, ne rast se nuk aprovon emerimin e nje gjyqtari, nuk shprehet per te fare, duke e lene te kuptohet se nuk e aprovon. Kjo ceshtje eshte kerkuar te sqarohet ne projektligjin per "Organizimin e Pushtetit Gjyqesor", apo qofte te behet edhe me nje ligj te vecante. Propozim qe nuk u pelqye shume nga kryetari i komisionit, Fatos Beja, i cili kerkoi qe mos ndryshohen keto praktika te njohura. "Presidenti duhet te kete nje afat te percaktuar per t'ju dhene pergjigje propozimeve qe behen nga Keshilli i Larte i Drejtesise per gjyqtare, apo anetaret e KLD-se. Keshtu funksionon ne te gjitha praktikat evropiane", tha nenkryetari socialist i komisionit, Fatmir Xhafaj. Sipas tij, nje ceshtje e tille duhet te jete objekt debati jo vetem e komisionit por edhe e Kuvendit.

Pas diskutimeve te shumta te zhvilluara me dyer te mbyllura ne komision, anetaret nuk arriten ta kalojne kete debat, duke e shtyre per mbledhjen e ardhshme. Ajo cka kerkoi pakica e komisionit, por edhe nje pjese e eksperteve, ishte qe Presidenti jo vetem te shprehet me dekret, nese refuzon nje gjyqtar, por edhe te arsyetoje se pse e refuzon. "Ende nuk ka nje ligj per institucionin e Presidentit", deklaroi Xhafaj, duke nenvizuar serish se kompetencat e Presidentit nuk mund te preken, sepse ato jane te rregulluara me Kushtetute. "Kjo eshte pjese e nje debati te bere ne komisionin e ligjeve. Diskutimi yne ka qene lidhur me menyren e dekretimit nga Presidenti te gjyqtareve. Natyrisht, duhet te kete procedura qe te rregullojne realizimin e kesaj te drejte qe ka Presidenti", tha deputeti socialist, Xhafaj

Nje tjeter pike e debatuar ne komision, qe lidhej serish me kompetencat e Presidentit, ishte per percaktimin e numrit te gjyqtareve ne total. Si procedure, numri propozohet nga ministri i Drejtesise me vendim te KLD-se dhe merr forme vetem pas dekretit qe jep Presidenti. Debati ne komision u perqendrua nese ka te drejte Presidenti te shprehet apo jo per numrin e gjyqtareve. Nderkohe qe anetari i Komisionit parlamentar te Ligjeve, Dashamir Sula, perfaqesues i PD, duke vleresuar bashkepunimin mes mazhorances dhe opozites per realizimin e kesaj reforme, u shpreh se kjo fryme bashkepunimi duhet te vazhdoje edhe per reformen zgjedhore
R.Rapushi

Kushtetuta
Kompetencat e Presidentit
Neni 136. (Emerimi i gjyqtareve)
Anetaret e Gjykates se Larte emerohen nga Presidenti i Republikes me pelqimin e Kuvendit.
Njeri nga anetaret emerohet Kryetar sipas procedures se parashikuar ne paragrafin 1 te ketij neni.
Kryetari dhe anetaret e Gjykates se Larte qendrojne ne detyre per 9 vjet pa te drejte riemerimi.
Gjyqtaret e tjere emerohen nga Presidenti i Republikes me propozim te Keshillit te Larte te Drejtesise.
Gjyqtare mund te jene vetem shtetasit me arsim te larte juridik. Kushtet dhe procedura e zgjedhjes caktohen me ligj.

Propozimi
Te ndryshohen kompetencat e Presidentit per dekretin e gjyqtareve
Presidenti te shprehet edhe ne rastet kur nuk e emeron nje gjyqtar si dhe te argumentoje pse nuk e emeron
Te qartesohet se kush duhet te percaktoje numrin e gjyqtareve ne total

Reagimi
Pakti per drejtesine, aleatet kunder PS
Pakti kombetar per drejtesine, i propozuar nga Partia Socialiste, ka krijuar mjaft pakenaqesi brenda kampit te majte. Partite aleate te PS-se pergjate ketyre diteve kane shfaqur mjaft rezerva, lidhur me qendrimin e partise me te madhe opozitare, rezerva qe nuk lidhen vetem me propozimin e fundit te saj, por me te gjithe linjen e ndjekur nga socialistet. Nderkohe qe dhe nje nga partite me afer PS-se, ajo Socialdemokrate, nuk ka hezituar te reagoje ndaj propozimit te ketij pakti, por jo duke e kundershtuar ate. Keshtu, deputeti socialdemokrat, Engjell Bejtja, duke iu referuar pikerisht pozicionit te mbajtur nga Partia Socialiste perballe mazhorances, u shpreh se "duhej nje konsultim paraprak per aq kohe sa opozita deklaron se eshte e bashkuar. Marredhenia vleresohet atehere kur duhet te merren vendime, ne ende nuk jemi ne momentin qe mund te themi sa ka nje shkeputje. Do te ishte normale qe te ishte bere nje konsultim paraprak, per aq kohe sa preferohet qe te jemi te perbashket". Por, deputeti socialist, Fatmir Xhafaj, duke mos u pajtuar me nje qendrim te tille, sqaroi se "ky nuk eshte nje pakt vetem midis opozites dhe pozites, por eshte pjese e nje debati te hapur me te gjitha partite politike parlamentare, nje proces, ne te cilin shfaqen te gjitha vleresimet, kontributet e tyre, te gjitha partite politike parlamentare".
O.XH