PS e Gjirokastrës: Mbështesim Edi Ramën

 

Socialistët gjirokastritë mbështesin plotësisht rikandidimin e Edi Ramës në krye të Partisë Socialiste, si dhe rezolutën e dalë nga mbledhja e fundit e Asamblesë Socialiste për mosnjohjen e rezultatit të zgjedhjeve. Asambleja e PS-së të qytetit të Gjirokastrës, është mbledhur dje nga kreu socialist lokal Florijan Hysi, në të cilën anëtarët e këtij forumi lokal, kanë mbështetur unanimisht rezolutën për mosnjohjen e rezultatit të zgjedhjeve të 28 qershorit, si produkt i një vote të deformuar të elektoratit shqiptar. Pika e dytë ku anëtarët e asamblesë socialiste gjirokastrite, ka qenë në një mendje ishte denoncimi i veprimeve të disa anëtarëve të kryesisë së PS me deklarimet e tyre kundër frymës së përgjithshme të anëtarësisë socialiste për pranimin e humbjes së zgjedhjeve, ku nga këto të fundit nuk doli asnjë fitues. Sipas Florjan Hysit veprimet e disa anëtarëve të kryesisë socialiste në qendër, po dëmtojnë rëndë unitetin e PS, pasi fillimisht duhet të analizohet rezultati në qarqet, ku këta anëtarë kryesie kanë qenë vetë të deleguar nga qendra për organizimin dhe mbarëvajtjen elektorale dhe zgjedhore.