PS, Çipa: Qeveria kërkon të përgjojë biznesmenët

Partia Socialiste kundërshton nismën e qeverisë për të ndryshuar sërish ligjin mbi përgjimin e telekomunikacioneve. Anëtari i Komisionit të Sigurisë, njëkohësisht ish-ministër i Rendit Publik, Stefan Çipa, sqaron të metat e këtij propozimi.

Në një intervistë për “Shqip”, ai konstaton se qeveria po tenton të vendosë nën përgjim selektiv bizneset, duke i dhënë të drejtën e kërkesës për përgjim edhe Ministrisë së Financave.

Duke spekuluar me ligjin, kërkohet që të gjitha dikasteret që kanë polici që mund t’u jepen atributet e policisë gjyqësore, të kenë të drejtë të kërkojnë përgjimin. Unë mendoj se Ministria e Financave kërkon të shtrijë hapin mbi të gjitha bizneset me logjikën e luftës ndaj evazionit fiskal, por në të vërtetë kjo cenon direkt lirinë e individit dhe lirinë e biznesit", u shpreh Cipa.

Ish-ministri sqaron gjatë intervistës së tij se e drejta e përgjimit po vihet nën kontroll të qeverisë dhe po përdoret. politikisht.

Intervisten e plote mund ta lexoni ne numrin e sotem te gazetes "Shqip" wwww.gazeta-shqip.com