PS-ja çon dosjen e "Ruli" në Prokurori
Ashtu siç njoftoi ne fundjave, partia Socialiste ka depozituar pranë prokurorisë se përgjithshme, dosjen me prova qe sipas saj faktojnë shkeljen e ligjit nga Genc Ruli ne kohen kur ishte ministër i Ekonomisë dhe Energjetikes. Ne orën 13.30 deputeti Sajmir Tahiri depozitoi dokumentet zyrtare, te cilat flasin sipas tij për favorizim te paligjshëm qe Genc Ruli, aktualisht Ministër i Bujqësisë, i ka bere një firme koncesionare minerare te Bulqizë. Ne letrën drejtuar Prokurores se përgjithshme, Ina Rama, Tahiri pohon se ministri Ruli ka shkelur legjislacionin shqiptar, duke i shkaktuar shtetit një dem te konsiderueshme për te cilin duhet te dalin përgjegjësitë përkatëse ligjore. Kjo argumentohet sipas letrës, me faktin se është anashkaluar Kuvendi ne ndryshimin e marrëveshjes koncesionare si dhe është falur borxhi, kompetence te cilën e ka ministria e Financave. Dosja e drejtuar tek kryeprokurorja Ina Rama shoqërohet me padinë për "shpërdorim te detyrës". Gjate debatit ne parlament seancën e te enjtes, zoti Ruli nuk pranoi te kishte shkelur ligjin, por pohoi se kishte ndryshuar kontratën për te ndihmuar kompaninë qe sipas tij ndodhej ne vështirësi financiare.
Shpërndaje