PS-ja ka vetëm interesa të ngushta personale
02/12/2009 Qëndrimi i PR-së
Partia Republikane ka reaguar dje ndaj një tubimi që Partia Socialiste organizoi në kryeqytetin grek Athinë me emigrantë shqiptarë. Në deklaratën për shtyp PR-ja shprehet se ky miting synon përligjjen e qëllimit të opozitës për t’i lënë shqiptarët sa më larg Europës. “Ky tubim mbahet sot si një antiminting, pikërisht në kohën kur në të njëjtin shtet mbahet edhe takimi i ministrave të Jashtëm të vendeve të OSBE-së. Kjo do të thotë se edhe një herë Partia Socialiste vendos çdo interes të ngushtë personal mbi interesat madhore të shqiptarëve”, - thuhet në deklaratën për shtyp të Partisë Republikane. Kjo forcë politike, aleate tradicionale e Partisë Demokratike, denoncoi gjithashtu të gjitha lëvizjet politike të ndërmarra kohët e fundit nga opozita. PR-ja shprehet se në asnjë mënyrë nuk mundet të ecet përpara përmes ultimatumeve politike dhe se opozita duhet të kthehet në Kuvend.
Partia Republikane ka reaguar dje ndaj një tubimi që Partia Socialiste organizoi në kryeqytetin grek Athinë me emigrantë shqiptarë. Në deklaratën për shtyp PR-ja shprehet se ky miting synon përligjjen e qëllimit të opozitës për t’i lënë shqiptarët sa më larg Europës. “Ky tubim mbahet sot si një antiminting, pikërisht në kohën kur në të njëjtin shtet mbahet edhe takimi i ministrave të Jashtëm të vendeve të OSBE-së. Kjo do të thotë se edhe një herë Partia Socialiste vendos çdo interes të ngushtë personal mbi interesat madhore të shqiptarëve”, - thuhet në deklaratën për shtyp të Partisë Republikane. Kjo forcë politike, aleate tradicionale e Partisë Demokratike, denoncoi gjithashtu të gjitha lëvizjet politike të ndërmarra kohët e fundit nga opozita. PR-ja shprehet se në asnjë mënyrë nuk mundet të ecet përpara përmes ultimatumeve politike dhe se opozita duhet të kthehet në Kuvend.