PS "ndihme" nderkombetareve
Denis Dedej
Partia Socialiste do te prese reagimin e nderkombetareve per situaten politike ne Shqiperi dhe me pas do te perforcoje qendrimin e saj. Ky opsion eshte hedhur diten e djeshme ne mbledhjen e grupit Parlamentar Socialist dhe per te cilin eshte rene dakord. Burime nga mbledhja e cila u zhvillua diten e djeshme bejme te ditur per gazeten "Koha Jone" se selia roze do t'i bej te ditur te gjitha shqetesimet e ngritura prej tyre dhe do t'i paraqese situaten aktuale faktoreve nderkombetare. Me pas, do te pritet dhe reagimi i tyre per situaten dhe do te vazhdohet me tej me koordinimin e situates sipas planit te socialisteve. Ne mbledhjen e cila zgjati perreth 1 ore e 30 minuta, deputetet socialiste kane diskutuar mbi seancen maratone ku u diskutuan nismat e Partise Socialiste. Te njejtat burime bejne te ditur se ne kete mbledhje, kryetari i grupit Parlamentar Socialist, Gramoz Ruci, eshte perqendruar ne fjalen e tij tek seanca plenare e Kuvendit te Shqiperi. Mesohet se Ruci ka shprehur kritikat e tij ndaj shkeljes se rregullores se procedurave parlament. Ai u tha deputeteve socialiste se jane terhequr nga socialistet te dyja propozimet. Ndersa, sipas tij, projektligjin per ndryshimet mbi veprimtarine e komisioneve hetimore eshte terhequr, ndersa projektligji per ngritjen e komisionit hetimor nuk e terhoqen, duke e votuar kete te fundit. Po keshtu, kreu i Grupit Socialist mesohet se gjate fjales se tij theksoi se rregullorja e Kuvendit thote se propozuesit kane te drejte te terheqin nismat. Nga ana tjeter, kryetari i Partise Socialiste, Edi Rama, gjate fjales se mbajtur ne mbledhjen e grupit Parlamentar Socialist ka udhezuar deputetet socialiste qe te zbresin nga java e ardhshme drejt bazes. Porosia e kryesocialistit ka te beje me pergatitjen e protestave ne te gjithe vendin, per te zhvilluar me pas protesten e madhe ne Tirane. Por, ende nuk ka nje axhende te paracaktuar mbi zhvillimin e protestave, ndersa deputetet socialiste do t'i sqarojne bazes se tyre se cfare ndodhi ne Parlamentin e Shqiperise dhe qendrimin e tyre per te ardhmen, per te mos u terhequr nga hapja e kutive. Per sa i perket qendrimit qe do te mbaje selia roze me Kuvendin, do te percaktohet ne nje mbledhje tjeter te grupit Parlamentar Socialist. Ndersa pritet qe nga fundi i javes se ardhshme te mblidhet dhe Asambleja Kombetare e Partise Socialiste, qe do te vendose mbi proceduren qe do te ndjeke per zhvillimin e protestave. Edhe me heret, kryetari i Partise Socialiste, Edi Rama, ne deklaratat e fundit publike te bera prej tij ka deklaruar se opozita do te zhvilloje protesta te pandalshme ne te gjithe Shqiperine per te kerkuar largimin e Qeverise dhe zhvillimin e zgjedhjeve te parakohshme.
PS apel nderkombetareve: Merrni ne konsiderate faktin e zgjidhjes se pushtetit
Deputetja socialiste, Vasilika Hysi, ne nje deklarate per shtyp, beri te ditur qendrimin e grupit Parlamentar Socialist, qe sipas saj, do te mbroje kauzen e popullit opozitar per transparence duke qene bashke me popullin ne perpjekjen per lirine e votes dhe te drejten e transparences. "Grupi Parlamentar Socialist i ben apel pikerisht miqve e partnereve nderkombetare per te marre ne konsiderate faktin shume shqetesues se zgjidhja qe u dha prej pushtetit te premten ne darke jo vetem nuk e zgjidh po e thellon krizen, por edhe bie ndesh thelbesisht me perpjekjen e tyre per nje zgjidhje kompromisi bazuar mbi Kushtetuten dhe transparencen", apeloi ndaj nderkombetareve zyrtarja socialiste.