PS ne Prokurori per 21 janarin: Pro hetimit Redinalda Caushaj

Tirane- Tre deputetet e Partise Socialiste, si dhe kreu i saj per kryeqytetin jane thirrur dje ne Prokurorine e Tiranes per te dhene shpjegimet e tyre, mbi ngjarjet e 21 janarit. Fillimisht ne ambientet e akuzes rreth ores 10:30, jane paraqitur deputetet Tom Doshi dhe Paulin Sterkaj, te cilet disa dite me pare nuk pranuan te japin shpjegime, per arsye se do te merrnin pjese ne varrimin e demonstruesit Aleks Nikaj ne Lezhe. Pas nje seance pyetjesh nga ana e prokuroreve te ceshtjes, deputeti Sterkaj deklaroi se "dhame para prokuroreve shpjegimet per ngjarjet e 21 janarit. Iu pergjigjem thirrjes se prokuroreve per te mos penguar hetimet. Treguam se jemi pro hetimeve te 21 janarit dhe se jemi te hapur per institucionet e drejtesise ne cdo moment". Tre ore me pas, Prokuroria e Tiranes ka regjistruar te tjera deshmi nga PS. Rreth ores 13:30 ne ambientet e prokurorise jane paraqitur deputeti i Partise Socialiste, Besnik Bare dhe kreu i PS-se per kryeqytetin Pjerin Ndreu. Pas dhenies se shpjegime te tyre perpara prokuroreve, Bare ka deklaruar per mediat se "u thirra ne Prokurori ne cilesine e personit qe ka dijeni per ngjarjen. Kam sqaruar para prokuroreve anen organizative te protestes. Jemi te gatshem ne cdo rast t'i pergjigjemi thirrjes se Prokurorise". Tre dite me pare ne Prokurorine e Tiranes u thirr per te dhene shpjegimet e tij deputeti Skender Gjinushi, i cili kishte deklaruar perpara prokurorise se nuk e kishte nxitur turmen, ndersa pranoi per median se ishte e vertetuar se ka pasur tejkalime te ligjit nga protestues te vecante dhe per kete do te shprehej prokuroria. Per ngjarjen e 21 janarit perpara prokuroreve te ceshtjes, ka deklaruar edhe kreu i PDK-se Nard Ndoka, i cili kishte shpjeguar se nga ana e tij nuk ka pasur nxitje te turmes. Tre deputetet, si dhe kreu i PS-se per kryeqytetin, u thirren nga Prokuroria e Tiranes per dokumentet e paraqitura nga policia ne prokurori per nxitje te turmes. Per 21 janarin, Partia Socialiste kishte bere thirrje per pjesemarrje ne nje demonstrate paqesore, e cila ne fakt nuk rezultoi e tille. Ne demonstraten e 21 janarit u vrane 4 demonstrues ndersa u plagosen rreth 40 punonjes policie. Dy dite pas demonstrates policia arrestoi 116 demonstrues, ku pjesa me e madhe e tyre u lane te lire nga Gjykata e Tiranes. Disa dite me pare, nga ana e policise u arrestua shefi i shtabit te Njesise Speciale, Agim Llupo, si dhe komandanti i kesaj njesie, Alfred Ahmetcanaj, te akuzuar per vrasjen e demonstruesit Ziver Veizi.