PS presion Prokurorisë së Përgjithshme me rezolutë për çështjen e Damir Fazliç

Musa Ulqini, zbulon nismën, të hënën formalizohet

Sikur të mos mjaftonte presioni i deritanishëm si dhe keqpërdorimi i segmente të caktuara të organit të akuzës, selia rozë tashmë po ndërmerr një nismë që shton edhe më tej tensionin në punët e këtij organi që nga ana e tij pas një fillimi të politizuar të hetimit të kësaj çështje lipset që të punojë i qetë në investigimin e kësaj çështjeje.
Për të përmbushur qëllimin e saj, Partia Socialiste do të paraqesë të hënën që vjen në Kuvendin e Shqipërisë një projektrezolutë që synon të mbështesë Prokurorinë e Përgjithshme në dënimin e krimit për sa i përket çështjes së biznesmenit boshnjako-britanik, Damir Fazliç.
“Ditën e hënë ne do të paraqesim këtu Rezolutën si konkluzion të mocionit për debat, e cila i kërkon Kuvendit të mbështesë pa kushte Prokurorinë në hetimin e shkeljes së nëntë ligjeve, në hetimin e plotë dhe serioz të kapjes së shtetit, të konfliktit të interesave të kryeministrit Sali Berisha”, konfirmoi dje në seancë plenare deputeti socialist Musa Ulqini.
...