Policia Ndërtimore, në luftë me qytetarët
Një mori padish civile po dërrmojnë autoritetin e Inspektoratit të Ndërtimit, i cili ka humbur kontrollin dhe shpesh sulmon pa asnjë kriter
TIRANË - Inspektorati i Ndërtimit pranë Bashkisë së Tiranës prej muajsh është kthyer në një institucion që prodhon vetëm konflikte. Kjo është përshtypja e menjëhershme që krijohet teksa shikon paditë civile që vërshojnë në Gjykatën e Tiranës kundër Inspektoratit të Ndërtimit, i cili në jo pak raste ka dalë i humbur nga Shkalla e Parë e Gjyqësorit. Dhe në fakt, ky institucion është bombarduar me padi civile nga qytetarë të ndryshëm që pretendojnë se vendimet e inspektoratit kanë qenë arbitrare. Burime zyrtare pranë Gjykatës së Tiranës thanë për “Korrierin”, se duke nisur nga fillimi i vitit, kundër Inspektoratit të Ndërtimit pranë Bashkisë së Tiranës janë depozituar me dhjetëra padi civile nga qytetarë apo dhe biznese, të cilët thonë se nga vendimet e padrejta të këtij institucioni u është shkaktuar një dëm i konsiderueshëm, në disa raste ndoshta edhe i pakthyeshëm. Roli që në të vërtetë ky inspektorat duhet të luante, si zgjidhës padrejtësish dhe vendosës standardesh të barabarta për të gjithë, është errësuar nga veprimtaria shpesh destruktive, arbitrare dhe pa asnjë lloj kriteri e institucionit të drejtuar nga Afrim Qëndro. Megjithëse pjesa më e madhe e padive janë ende në fazë shqyrtimi, çështjet e përfunduara kanë nxjerrë si fitues qytetarët apo bizneset që akuzojnë Inspektoratin e Ndërtimit të Tiranës për arbitraritet. Duke iu referuar Gjykatës së Tiranës, rezulton se një pjesë e vendimeve për prishje objektesh, kryesisht shtëpi banimi, janë marrë në kundërshtim edhe me vendime të mëparshme të gjykatës, së cilës i është dashur të shprehet dy herë për të njëjtën çështje. Një rast flagrant kur Inspektorati Ndërtimor ka shkelur në mënyrë tërësisht të kundraligjshme vendimin e gjykatës, ka të bëjë me padinë e qytetarit Tomorr Qosja, i cili edhe pse kishte shkuar një herë në gjykatë për këtë çështje, sërish prona e tij u shemb me vendim të Inspektoratit Ndërtimor të Bashkisë Tiranë.
Sipas gjykatës, paditësi Tomorr Qosja në vitin 1991 ka marrë një leje të rregullt ndërtimi me numër 611, datë 13 mars 1991, për ndërtimin e një objekti së bashku me një mur përreth ndërtesës. Policia Ndërtimore e Tiranës me vendimin nr. 214, datë 23.11.2005, ka vendosur prishjen e këtij murri rrethues, me arsyetimin se ai ishte ndërtuar pa leje ndërtimi. Pasi mori përgjigje negative nga institucionet përkatëse, Tomorr Qosja i është drejtuar Gjykatës së Tiranës për anulimin e gdherit të Policisë Ndërtimore. Me vendimin nr. 5022, datë 28 qershor 2007 gjykata vendosi pranimin e padisë se Qoses, duke anuluar vendimin e Policisë Ndërtimore si një akt administrativ i nxjerr në kundërshtim me ligjin. Por edhe pse ekziston që prej një viti një vendim gjykate, më datë 11 mars 2008, struktura që tashmë quhet Inspektorati Ndërtimor e Urbanistik i Bashkisë Tiranë nxjerr vendimin nr. 838, që parashikon prishjen e po të njëjtit objekt. Kundër këtij vendimi, paditësi Tomorr Qosja ka bërë ankim në Inspektoratin Ndërtimor Urbanistik Kombëtar, por kërkesa e tij nuk është marrë në shqyrtim. Në këto kushte, i dëmtuar ka vendosur t’i drejtohet për herë të dytë Gjykatës së Tiranës, e cila ashtu si në vitin 2007 i dha sërish të drejtë. Gjykata arsyeton se vendimi i Inspektoratit Ndërtimor për prishje objekti duhet të anulohet si një vendim që vjen në kundërshtim me ligjin. Por ky është vetëm një nga rastet kur gjykata u jep të drejtë qytetarëve apo bizneseve private që janë cënuar nga vendimet e padrejta të Inspektoratit Ndërtimor të Bashkisë së Tiranës. Rastet janë të shumta dhe një ndërhyrje nga autoriteti që mbikëqyr këtë institucion sa vjen e po bëhet më imperative, për t’i dhënë një herë e mirë fund një kapitulli konfliktesh absurde me qytetarët dhe për të vendosur ligjshmërinë dhe besimin e dyanshëm.
Nr. i çështjes: 12888, dt. 08.10.2008
Paditësit: Artur Milani
Të paditurit: Inspektorati Ndërtimor e Urbanistik, Bashkisë Tiranë, Këshilli i Rregullimit të Territorit KRRT Bashkia Tiranë
Lloji i çështjes: Padi për shfuqizim/ndryshim akti administrativ
Nr. i çështjes: 13145, dt. 14.10.2008
Paditësit: Hashim Merepeza
Të paditurit: Inspektorati Ndërtimor dhe Urbanistik, Bashkia Tiranë
Lloji i çështjes: Padi për shfuqizim/ndryshim akti administrativ
Nr. i çështjes: 12750, dt. 03.10.2008
Paditësit: Llukan Simo
Të paditurit: Inspektorati Ndërtimor dhe Urbanistik të Bashkisë Tiranë
Lloji i çështjes: Padi për shfuqizim/ndryshim akti administrativ
Nr. i çështjes: 11741, dt. 17.09.2008
Paditësit: Agim Lila, Florian Heka, Gazmir Topuzi, Gëzim Paparisto, Gezim Gjeci, Kapllan Lala, Kristina Paloka, Nazmi Fejza, Zydi Malja
Të paditurit: Bashkia Tiranë (KRRT -ja e Bashkisë Tiranë), Inspektorati Ndërtimor e Urbanistik i Bashkisë Tiranë
Lloji i çështjes: Padi për shfuqizim/ndryshim akti administrativ
Nr. i çështjes: 10430, dt. 21.07.2008
Paditësit: Gëzim Ferko
Të paditurit: Inspektorati Ndërtimor dhe Urbanistik Tiranë pranë Bashkisë Tiranë
Lloji i çështjes: Padi shkaktim dëmi (Neni 608-654)
Nr. i çështjes: 7536, dt. 05.05.2008
Paditësit: Shoqëria “Scutari Costruction” sh.p.k
Të paditurit: Inspektorati Ndërtimor dhe Urbanistik i Bashkisë Tiranë
Lloji i çështjes: Padi kundërshtim veprimi përmbarimor
Nr. i çështjes: 4286, dt. 05.02.2008
Paditësit: Shoqëria “Belavis” sh.p.k, filiali “Kolonat”
Të paditurit: Inspektorati Ndërtimor dhe Urbanistik pranë Bashkisë Tiranë
Lloji i çështjes: Padi për shfuqizim/ndryshim akti administrativ
Nr. i çështjes: 9624, dt. 26.06.2008
Paditësit: Nikolin Elezi, Petrit Bakllava, Zef Elezi
Të paditurit: Inspektorati Ndërtimor Tiranë, KRT Bashkia Tiranë
Lloji i çështjes: Padi shkaktim dëmi (Neni 608-654)
Nr. i çështjes: 4621, dt. 13.02.2008
Paditësit: Arentina Kurti
Të paditurit: Bashkia e Tiranës, Inspektorati Ndërtimor dhe Urbanistik
Lloji i çështjes: Padi për shfuqizim/ndryshim akti administrativ
Nr. i çështjes: 12796, dt. 07.10.2008
Paditësit: Paskal Naska
Të paditurit: Inspektorati Ndërtimor Urbanistik të Bashkisë Tiranë
Lloji i çështjes: Padi për shfuqizim/ndryshim akti administrativ
Nr. i çështjes: 12056, dt. e regjistrimit: 19.09.2008
Paditësit: Ylli Dorzi
Të paditurit: Inspektorati Ndërtimor dhe Urbanistik, pranë Bashkisë
Lloji i çështjes: Padi për shfuqizim/ndryshim akti administrativ
Nr. i çështjes: 10100, dt. 10.07.2008
Paditësit: Enri Laku
Të paditurit: Inspektorati Ndërtimor dhe Urbanistik pranë Bashkisë Tiranë, Këshilli i Rregullimit te Territorit pranë Bashkisë Tiranë
Lloji i çështjes: Padi për shfuqizim/ndryshim akti administrativ
Nr. i çështjes: 9987, dt. 08.07.2008
Paditësit: Rifat Lalo
Te paditurit: Inspektorati Ndërtimor dhe Urbanistik i Bashkisë Tiranë, Këshilli i Rregullimit të Territorit i Bashkisë Tiranë
Lloji i çështjes: Padi për shfuqizim/ndryshim akti administrativ
Nr. i çështjes: 9119, dt. 16.06.2008
Paditësit: Dragush Kaçorraj
Të paditurit: Inspektorati Ndërtimor e Urbanistik i Bashkisë Tiranë, Inspektorati Ndërtimor e Urbanistik Kombëtar
Lloji i çështjes: Padi shkaktim dëmi (Neni 608-654)
Nr. i çështjes: 8897, dt. 09.06.2008
Paditësit: Fatos Mullahi
Të paditurit: Dega e Inspektoratit Ndërtimor e Urbanistik Tiranë, Inspektorati Ndërtimor e Urbanistik Kombëtar
Lloji i çështjes: Padi shkaktim dëmi (Neni 608-654)
Nr. i çështjes: 8520, dt. 29.05.2008
Paditësit: Prefekti i Qarkut Tiranë
Të paditurit: Inspektorati Ndërtimor Urbanistik, pranë Bashkisë Tiranë
Lloji i çështjes: Padi shkaktim dëmi (Neni 608-654)
Nr. i çështjes: 7736, dt. 08.05.2008
Paditësit: Artes Sokoli, Ednan Begeja, Ferdinand Petrela, Merita Begeja, Mirlinda Sokoli (Duma), Nezihat Stërmasi, Rustan Petrela, Suzi Begeja, Xhemile Petrela
Të paditurit: Inspektorati Ndërtimor dhe Urbanistik i Bashkisë Tiranë
Lloji i çështjes: Padi për shfuqizim/ndryshim akti administrativ
Nr. i çështjes: 7379, dt. 30.04.2008
Paditësit: Agim Hoxha
Të paditurit: Inspektorati Ndërtimor Urbanistik i Bashkisë Tiranë
Lloji i çështjes: Padi për shfuqizim/ndryshim akti administrativ
Nr. i çështjes: 3586, dt 23.01.2008
Paditësit: Meto Guri
Të paditurit: Inspektorati Ndërtimor dhe Urbanistik-Bashkia Tiranë
Lloji i çështjes: Padi për shfuqizim/ndryshim akti administrativ