PS "ratifikon" shtabet elektorale

TIRANE - Kryesia e Partise Socialiste u mblodhe dje, per te vendosur ngritjen e shtabeve elektorale qe do te pergatisin socialistet per zgjedhjet e reja parlamentare, qe do te zhvillohen ne qershor te vitit te ardhshem. Kryetari i selise roze, Rama, ne oren 19.00 ka diskutuar ne kryesine e partise, skemen e ngritjes se shtabeve elektorale per 12 qarqet e vendit, ne funksion te fitores se kesaj partie ne zgjedhje. Ne mbledhjen e djeshme u ritheksua ndarja e te deleguarve te kryesise se partise, nderkohe qe ata do te jene dhe inspirues te shtabeve elektorale ne te gjitha rrethet si dhe drejtues te tyre. "Sot eshte mbledhur Kryesia e PS, per te diskutuar ne lidhje me pergatitjen dhe organizimin elektoral ne prag te procesit te pritshem zgjedhor. Nje prej ceshtjeve kryesore te diskutuar ne mbledhjen e sotme, ka qene menyra e funksionit te strukturave te PS ne nivel qendror dhe vendor, per te kaluar me sukses sfiden qe lidhet me zgjedhjet e ardhshme ne vend", ka qene deklarata e zedheneses se kryesise, Mimi Kodheli. Sipas saj, sekretariati i PS dhe anetaret e Kryesise se PS, kane marre nje angazhim te plote politik, per te drejtuar kete proces te rendesishem te muajve te ardhshem. "Ne te njejten kohe kryesia e PS eshte e perqendruar edhe te Programi Qeverises, qe do te finalizohet ne javet ne vijim, i cili me pas do te diskutohet gjeresisht me grupet e interesit dhe publikun", tha Kodheli. Per te cilen, kryesia e PS e vleresoi kete program si nje risi ne politik berjen shqiptare, ku per here te pare nje force politike ne opozite punon se bashku me qytetaret, per t'u ofruar nje zgjidhje konkrete problemeve dhe shqetesimeve te perditshme. Kodheli eshte shprehur se kryesia e PS i vleresoi pozitivisht dhe dha mbeshtetjen maksimale per propozimet e parashtruara gjate mbledhjes ne lidhje me organizmin elektoral te muajve te ardhshem.

Ngritja e shtabeve elektorale, duket se ka qene edhe fokusi i punes se mbledhjes se djeshme te kryesise se PS. Ne perberje te ketyre shtabeve elektorale, qe do te fillojne nga "qeliza" e PS, me nje organizim sipas qendrave te votimit, e deri ne baze qarku do te jene kandidatet e listes shumeemerore per deputete, anetaret e kryesise, drejtuesit vendore, ish-deputete te PS, ish-kryetare komune, bashkie apo qarku, perfaqesues te PS-se ne keto zona, por dhe veprimtare te tjere, perfshi dhe shoqerine civile. Por perpara se te perfshihet ky kontingjent ne perbere te shtabeve elektorale, kryetari socialist Rama do te ndermarre nje tur takimesh me te gjithe keta persona, te cilet ne zonat e tyre kane mbeshtetje te forte. Nderkohe qe po ne mbledhjen e kryesise do te diskutohet dhe per riperteritjen e strukturave te bazes se partise dhe pergatitjen e PS per zgjedhjet e vitit 2009. Ne mbledhjen e kryesise u dha dhe nje informacion i plote per punen e kryer per reformen zgjedhore, ku relatoret e ngarkuar per kete qellim informuan anetaret e ketij forumi per qendrimin e metejshem qe do te mbahet. "Duke i dhene rendesi maksimale krijimit se te gjitha kushteve te nevojshme per te pasur nje proces normal, demokratik zgjedhor, Kryesia e PS i ofroi mbeshtetje te plote Grupit Parlamentar dhe perfaqesuesve te PS ne Kuvend, per te perfunduar me sukses reformen zgjedhore, te cilen PS e konsideron prioritetin e axhendes se saj parlamentare", tha Kodheli. A.G

Kordinatoret e PS ne 12 qarqet e vendit

Shpetim Idrizi

Mbulon qarkun e Tiranes (rrethi i Tiranes dhe Kavajes)

Erion Brace

Mbulon qarkun e Beratit (rrethet Berat, Kucove, Skrapar).

Namik Dokle

Mbulon qarkun e Durresit (rrethi Durres dhe Kruje)

Pandeli Majko

Mbulon qarkun e Dibres (rrethi Diber, Mat dhe Bulqize)

Valentina Leskaj

Mbulon qarkun e Elbasanit (rrethin Elbasan, Librazhd, Peqin dhe Gramsh)

Ermelinda Meksi

Mbulon qarkun e Fierit (rrethi Fier, Lushnje, Mallakaster)

Gramoz Ruci

Mbulon qarkun e Gjirokastres (rrethet Gjirokaster, Tepelene dhe Permet)

Ben Blushi

Mbulon qarkun e Korces (rrethet Korce, Devoll, Pogradec dhe Erseke)

Mimi Kodheli

Mbulon qarkun e Kukesit (rrethet Kukes, Tropoje, Has).

Lindita Nikolla

Mbulon qarkun e Lezhes (rrethet Lezhe, Mirdite dhe Kurbin)

Arben Isaraj

Mbulon qarkun e Vlores (rrethet Vlore, Sarande e Delvine)

Mimoza Hafizi

Mbulon qarkun e Shkodres (rrethet Shkoder, Puke e Malsi dhe Madhe)