Pacolli e Topi: Mbështesim sulmin në Libi

TIRANE- Kosova dhe Shqipëria mbështesin ndërhyrjen ushtarake të koalicionit perëndimor në Libi si “një misioni i domosdoshëm për të ndaluar genocidin në këtë pjesë të kontinentit afrikan”. Ky është qëndrimi i shprehur nga dy presidentët shqiptarë, ai I Shqipërisë dhe I Kosovës në konferencën e përbashkët për shtyp të organizuar sot në Pallatin e Brigadave. Presidenti Behxhet Pacolli ndodhet në Tiranë për një vizitë zyrtare dy ditore me ftesë të homologut Topi.

“Jemi në sintoni me vendimmarrjet politike dhe ushtarake të aleancës. Gjithcjka është e legjitimuar sipas vendimeve të KS së OKB. Gjithkca bëhet në sesnin e lirimit të fateve të miliona njerëzve që kanë qenë nën omblrellën e diktaturës”- tha presidenti Topi.

Kreu i republikës së Shqipërisë nënvizoi se misioni është “I domodsoshëm për të ndaluar genocidin në këtë pjesë të kontinetit afrikan. Sot- tha presidenti Topi- është koha kur aleanca e NATO-s vepron për të risjellë në vëmendje detyrimin për të mbrojtur liritë e qytetarëve.
(s.g/BalkanWeb)