Pakesohen rezervat e gjakut

Rritja e numrit te aksidenteve rrugore, rrezikon te fuse ne krize rezervat e gjakut. Mjeket e Qendres se Transfuzionit, tregojne se ditet e fundit kerkesat nga spitalet, jane shume te larta. Personat qe aksidentohen, kerkojne sasi te medhaja gjaku per shkak te humbjes se tij, gjate rruges deri ne urgjence. Ne nje vit ne kete qender, ka nga 10 deri ne 13 mije dhurues. Por per te perballuar kerkesat, kjo shifer duhet te jete te pakten 2-fish. Sipas mjekeve, numrin me te larte te dhurimeve e zene familjaret e te semureve. Por, sasia qe ata japin eshte thjesht per te plotesuar nevojat e te afermit te tyre, qe vuajne ne menyre kronike. Per kete vit vetem 2 mije persona kane dhuruar gjak, pa pasur kerkese nga nje familjar. Por perpos ketij problemi, jane te pakte personat qe dine grupin e tyre te gjakut. Ne rastin me te mire nga grate, kjo merret vesh pas nje shtatzenie, ndersa per burrat vetem nese kane nevoje per ndihme mjekesore. Mjeket deklarojne se gjak mund te dhuroje cdo person i shendetshem nga mosha 18 deri ne 65 vjec. Por sipas tyre dhurimi nje here te vetme, nuk eshte kurre i mjaftueshem per personat qe kane nevoje te vazhdueshme per t`u furnizuar me gjak. Prej shume vitesh, ne vend po punohet per kalimin nga sistemi tradicional i dhurimit te rregullt te gjakut me pagese, ne sistemin e dhurimit te rregullt pa pagese. Prioritet i punes se strukturave shendetesore, mbetet krijimi i nje baze te qendrueshme dhuruesish vullnetare te rregullt, me qellim permbushjen e objektivit strategjik, qe ne fund te vitit 2010 dhurimi i gjakut te jete 100 % i papaguar.