Pakistan, 15 të vdekur nga sulm vetëvrasës

Si pasojë e një sulmi vetëvrasës në Pakistan, të paktën 15 persona humbën jetën. Ngjarja tragjike ndodhi në veri të vendit, një xhami ku ishin mbledhur pjesëtarë të pakicës shiite, të cilët shpesh janë bërë cak i sulmeve të ekstremistëve sunitë. Një zyrtar i policisë pakistaneze ka thënë se sulmuesi vetëvrasës e ka aktivizuar bombën në hyrje të xhamisë në qytetin Shakval, 60 kilometra larg kryeqytetit Islamabad.