Panik në Poliçan, tre të tjerë preken nga epidemia
Epidemia në Poliçan shënon edhe tre raste. Dy burra dhe një grua u paraqitën dje në gjendje të rëndë në qendrën shëndetësore të qytetit, me të njëjtat simptoma si të 120 të prekurve të tjerë.
POLIÇAN/ DILAVER XHELILI
Me të vjella, temperaturë e diarre, ata kanë kërkuar ndihmën e bluzave të bardha.
RASTET
Të prekurit e djeshëm e çojnë në 123 numrin e personave, të cilët kanë marrë virusin gastro-enterit. Sipas mjekëve në Poliçan, pacientët janë dy 50-vjeçarë dhe një 35-vjeçare. Ata tashmë po trajtohen me medikamentet përkatëse, por paniku ka mbërthyer gjithë qytetin. Banorët nuk dinë se me kë të besojnë dhe si të veprojnë. Burime nga ujësjellësi i qytetit pohojnë se, virusi nuk është pasojë e ujit të papastër, ndërsa të kundërtën thekson Ministria e Shëndetësisë, e cila në rezultatet e saj nxori pikërisht ujin e Bogovës si shkaktare të kësaj epidemie. “Nuk dimë si të veprojmë. Një herë na thonë të mos e përdorim ujin, njëherë ta ziejmë... Ka përplasje deklaratash, por ne po vuajmë këtë sëmundje. Na ka ndarë për së gjalli nga njerëzit tanë. Janë vënë në karantinë e nuk na lejohet të kontaktojmë me ta”, thonë banorët. Ata tashmë janë konfuzë e nuk dinë nëse epidemia erdhi nga uji, apo nga ushqimet e skaduara që mund të kenë mbetur stok në dyqanet e qytetit. Të ndodhur në situatë të tillë, banorët e Poliçanit dje kanë shkuar në Berat për të blerë ushqime. Ata i kanë kërkuar pushtetit vendor që t’i drejtohet Ministrisë së Shëndetësisë për të dërguar sërish në Poliçan një grup ekspertësh ku të përcaktohet qartë shkaku i kësaj epidemie. Përhapja e lajmit se në qytet janë shënuar raste të reja, ka trembur tej mase banorët, të cilët duket se janë dorëzuar duke shpresuar vetëm tek “fati i mirë” që virusi të mos futet në shtëpitë e tyre.
UZINA
Përveç lajmit të keq, se tre të tjerë janë prekur nga epidemia, kryebashkiaku i Poliçanit ka komunikuar dhe një tjetër për banorët e qytetit të tij. Ministria e Mbrojtjes pasi dha “OK” që pushteti lokal të ndërhynte në zonën e uzinës së armëve për rehabilitimin e rrjetit të ujësjellësit, një urdhër i dytë shfuqizon atë të parin. Pra, me një shkresë zyrtare, dikasteri i mbrojtjes nuk lejon bashkinë dhe ujësjellësin e qytetit që të ndërhyjnë, duke argumentuar se zona është ushtarake. Kryebashkiaku Adriatik Zotka i ka bërë kërkesë qeverisë për të anuluar këtë vendim të Ministrisë së Mbrojtjes, sipas tij arbitrar. “Nuk e dimë nëse ky urdhër ka dalë nga zyra e ministrit Oketa apo të ndonjë zyrtari që kërkon të luajë me jetën e këtyre njerëzve, të cilët po kërkojnë ndihmë për të shpëtuar”, tha Zotka, duke shtuar se po pret një përgjigje nga qeveria për të ndryshuar këtë urdhër.
POLIÇAN/ DILAVER XHELILI
Me të vjella, temperaturë e diarre, ata kanë kërkuar ndihmën e bluzave të bardha.
RASTET
Të prekurit e djeshëm e çojnë në 123 numrin e personave, të cilët kanë marrë virusin gastro-enterit. Sipas mjekëve në Poliçan, pacientët janë dy 50-vjeçarë dhe një 35-vjeçare. Ata tashmë po trajtohen me medikamentet përkatëse, por paniku ka mbërthyer gjithë qytetin. Banorët nuk dinë se me kë të besojnë dhe si të veprojnë. Burime nga ujësjellësi i qytetit pohojnë se, virusi nuk është pasojë e ujit të papastër, ndërsa të kundërtën thekson Ministria e Shëndetësisë, e cila në rezultatet e saj nxori pikërisht ujin e Bogovës si shkaktare të kësaj epidemie. “Nuk dimë si të veprojmë. Një herë na thonë të mos e përdorim ujin, njëherë ta ziejmë... Ka përplasje deklaratash, por ne po vuajmë këtë sëmundje. Na ka ndarë për së gjalli nga njerëzit tanë. Janë vënë në karantinë e nuk na lejohet të kontaktojmë me ta”, thonë banorët. Ata tashmë janë konfuzë e nuk dinë nëse epidemia erdhi nga uji, apo nga ushqimet e skaduara që mund të kenë mbetur stok në dyqanet e qytetit. Të ndodhur në situatë të tillë, banorët e Poliçanit dje kanë shkuar në Berat për të blerë ushqime. Ata i kanë kërkuar pushtetit vendor që t’i drejtohet Ministrisë së Shëndetësisë për të dërguar sërish në Poliçan një grup ekspertësh ku të përcaktohet qartë shkaku i kësaj epidemie. Përhapja e lajmit se në qytet janë shënuar raste të reja, ka trembur tej mase banorët, të cilët duket se janë dorëzuar duke shpresuar vetëm tek “fati i mirë” që virusi të mos futet në shtëpitë e tyre.
UZINA
Përveç lajmit të keq, se tre të tjerë janë prekur nga epidemia, kryebashkiaku i Poliçanit ka komunikuar dhe një tjetër për banorët e qytetit të tij. Ministria e Mbrojtjes pasi dha “OK” që pushteti lokal të ndërhynte në zonën e uzinës së armëve për rehabilitimin e rrjetit të ujësjellësit, një urdhër i dytë shfuqizon atë të parin. Pra, me një shkresë zyrtare, dikasteri i mbrojtjes nuk lejon bashkinë dhe ujësjellësin e qytetit që të ndërhyjnë, duke argumentuar se zona është ushtarake. Kryebashkiaku Adriatik Zotka i ka bërë kërkesë qeverisë për të anuluar këtë vendim të Ministrisë së Mbrojtjes, sipas tij arbitrar. “Nuk e dimë nëse ky urdhër ka dalë nga zyra e ministrit Oketa apo të ndonjë zyrtari që kërkon të luajë me jetën e këtyre njerëzve, të cilët po kërkojnë ndihmë për të shpëtuar”, tha Zotka, duke shtuar se po pret një përgjigje nga qeveria për të ndryshuar këtë urdhër.