Partite te mos ngjisin postera ne Pazarin e gurte

Ne nje leter derguar forcave politike ne Gjirokaster, Zyra e Administrimit dhe Koordinimit te Qytetit Muze, ka kerkuar mirekuptimin e tyre qe gjate fushates elektorale te mos ngjisin postera, ne fasadat e banesave te gurta ne zonen historike te qytetit dhe kryesisht ne Pazarin karakteristik. Sipas drejtorit te kesaj zyre, Rajmond Kola, iu eshte kerkuar forcave politike, qe te tregohen te kujdesshme ne kete drejtim kryesisht ne shkrimin e parullave apo mesazheve me permbajtje politike, ne fasadat e gurta te Pazarit. "Nisur nga pervoja e fushatave te kaluara elektorale do te ishte mire qe forcat politike te mos demtonin fasadat e shtepive te gurta, duke ngjitur postera apo duke shkruar ne to parulla dhe mesazhe politike", thote Kola. Nderkohe sipas tij ne qofte se do te duheshin te vendoseshin postera politike ne pjesen e siperme te qytetit atehere do te ishte mire qe ato te vendoseshin ne nje vend te caktuar me pare pa demtuar keshtu pamjen estetike te shtepive te gurta aq me teper ne kete periudhe qe shenon pikun e sezonit turistik.

B.Kore