Pas xhamive, hajdutet bastisin kishen

ELBASAN- Hajdutet nuk kursejne as objektet e kultit ne Elbasan. Pas bastisjes se xhamive dhe nje shoqate te huaj dy muaj me pare, ku u moren materiale me vlere dhe parate e mbledhura nga besimtaret, diten e djeshme radhen e ka pasur kisha ortodokse e Shen Thanasit, ne periferi te qytetit, lagjja "Haxhias". Persona te paidentifikuar kane thyer deren kryesore te objektit te kultit duke hyre brenda. Autoret e kane pasur shume te lehte per te hapur kasaforten prej druri duke e shkaterruar plotesisht. Brenda kane gjetur nje sasi prej 74 mije lekesh qe ishin mbledhur nga besimtaret ortodokse gjate diteve te fundit. Vete drejtuesit e kishes denoncuan ngjarjen dhe aty ka mberritur menjehere nje grup hetimor. Burime zyrtare thane se aty jane gjetur gjurme te shumta gishterinjsh dhe mendohet se autoret kane qene dy. Ngjarja mendohet te kete ndodhur pasi ka kaluar mesnata e se merkures, duke u zbardhur dita e djeshme, kurse prifti i kishes deklaroi se ne arke kishte 74 mije leke. Kisha e Shen Thanasit eshte ndertuar ne vitin 1846 dhe rreth 100 vjet me pas u krye ndertimi i nje kishe te re ne themelet e saj, qe zevendesoi te vjetren.