Patozi:Bashkëpunimi me opozitën,maturi

Sot pritet të zhvillohet mbledhja e komisionit të ligjeve për projektligjin e Prokurorisë ku pritet dhe pjesëmarrja e opozitës. Kryetari i Grupit Parlamentar të Partisë Demokratike Astrit Patozi në një konferencë për shtyp tha se bashkëpunimi midis opozitës dhe mazhorancës dëshmon maturi politike dhe se përshëndet vendimin e opozitës për të kontribuar për këtë ligj. Gjithshtu Patozi vlerësoi komisionin e reformës për punën që ka bërë. Sipas Patozit tashmë nuk ka asnjë pengesë për të pasur një proces zgjedhor të standarteve europiane.