"Pensionet e ushtarakeve, shtyhet per motive politike"
Shoqata e ish-Ushtarakeve te Liruar dhe ne Rezerve deklaron se nuk pajtohet me gjendjen apatike, ne te cilen ndodhet ceshtja e pensioneve te ish-ushtarakeve. Kreu i kesaj shoqate, Medi Pogace, deklaroi dje se ky problem po shtyhet pafundesisht nga qeveria, dhe motivi eshte politik. Sipas tij, qendrimi i qeverise ndaj problemeve ekonomike te ushtarakeve ne rezerve dhe ne pension eshte dukshem armiqesor. "Pasi kane kaluar gati tre muaj nga rrezimi pa shkak i nje projektligji te cunguar nga cfare permban vendimi i Gjykates Kushtetuese, Ministria e Mbrojtjes dhe qeveria, kerkojne te gjejne forma e metoda te reja per ta shtyre ate pafundesisht", deklaroi dje Pogace. Ai theksoi se neni i statusit te ushtarakut, deri tani, nuk eshte marre parasysh nga asnje nga ligjet per sigurimin shoqeror suplementar te miratuar, as ne ate te vitit 2005, as ne ate te vitit 2006 dhe as ne projektin e paraqitur dhe rrezuar ne qeveri. Perfaqesuesi i ushtarakeve eshte i mendimit se qeveria kerkon nje arsye per ta shtyre dhenien e pensioneve ushtarakeve deri ne pafundesi. Ndersa nuk beson se perben problem fatura financiare. Ai e argumenton kete deklarate me faktin se ne relacionin shoqerues te projektit shprehimisht thuhet se "perballimi i efekteve financiare do te behet brenda fondeve te miratuara me ligjin per buxhetin e vitit 2007, ku pervec fondeve te programuara per kete qellim u shtuan edhe 300 milione leke me buxhetin suplementar 2007". Nderkohe, per vitin financiar 2008, nga ministri i Mbrojtjes dhe nga qeveritare te tjere eshte thene se ne buxhet jane 30 milione dollare per perkrahjen sociale te ushtarakeve. Gjithashtu, sipas Pogaces, shitja e armatimeve ka siguruar dhe siguron shuma teper te medha fitimesh dhe do te mjaftonte nje pjese fare e vogel e tyre per te paguar pensionet e ushtarakeve.
Policia bllokon qarkullimin
Duke filluar nga ora 11 e paradites se sotme, deri ne 12:30, Policia e Qarkullimit do te bllokoje qarkullimin ne disa zona te Tiranes, per shkak te protestes se ish-ushtarakeve. Behet fjale per segmentin rrugor te Sheshi "Nene Tereza", duke vijuar me krahun e kolonave, duke levizur ne krahun e djathte, pergjate bulevardit "Deshmoret e Kombit" perballe Presidences, perpara Kryeministrise, perballe Ministrise se Mbrojtjes dhe duke perfunduar me pas sheshin "Skenderbej".