Pensionet, grafiku i ndarjes se shperblimit

Nga dita e sotme, te gjithe pensionistet do te mund te terheqin ne sportelet e postes shperblimin e vitit te ri prej 5 mije lekesh. Instituti i Sigurimeve Shoqerore ka shperndare prane zyrave te postes urdher-pagesat per shperndarjen e ketij shperblimi dhe tashme eshte gjithcka gati per shperndarjen e tij. Jane rreth 536 mije pensionistet, te cilet duke filluar nga dita e sotme, deri me 30 dhjetor, do te marrin 5 mije leke per festat e fundvitit. Nendrejtori i Pergjithshem i ISSH-se, Astrit Hado, deklaroi dje se, “per te mos krijuar probleme ne shperndarjen e pensioneve, si dhe perfundimin e dhenies se ketij shperblimi, ISSH-ja ka hartuar nje grafik, i cili do te mundesoje shperndarjen pa probleme te tij”.
Sipas ketij grafiku, pensionistet do te marrin pensionin ne daten e caktuar, si dhe shperblimin perkates, nderkohe qe pas ores 13 do te jepet pensioni per ata pensioniste qe u ka kaluar data e pensionit. Keshtu, sipas grafikut te ISSH-se, sot do ta marrin shperblimin vetem personat qe kane daten e terheqjes se pensionit. Ndersa neser pensionistet qe kane daten e marrjes se pensionit dhe pas ores 13:00 do te marrin shperblimin ata qe e kane marre pensionin ne daten 1, 2 dhe 3 dhjetor. Pra, me kete grafik do te punohet deri ne perfundimin e shperndarjes se mases prej 5 mije lekesh deri ne fund te muajit dhjetor, qe shperblimi te merret nga pensionistet para festave te fundvitit.
Ne shifren e 536 mije pensionisteve, te fshatit dhe qytetit, qe pefitojne nga ky shperblim futen te gjithe ata persona qe perfitojne pensione pleqerie, invaliditeti, familjare, trajtimet e vecanta si pensione te pjesshme. Per kete shperblim, Qeveria ka akorduar 32 milione dollare. Hado theksoi se te gjithe pensionistet do te mund te marrin shperblimin brenda dates 30 dhjetor dhe askush nuk duhet te shqetesohet per faktin se mund te mos e marre 5 mije lekeshin. Ne vitin 2007 ne drejtim te buxheteve familjare nga ana e ISSH-se jane transferuar 8,1 miliarde leke ose rreth 97 milione dollare me shume se ne vitin 2007. Sipas ISSH-se, kjo shume eshte transferuar ne tre faza te ndryshme. Fazen e pare ishte ne muajin janar kur te ardhurat e pensionisteve te fshatit per pensionet e plota arriten ne 5 mije leke. Ndersa faza e dyte ishte rritja me 5 per qind e te gjithe pensioneve te shtetit dhe 10 per qind te pensioneve te fshatit ne muajin korrik. Faza e trete qe eshte edhe permbyllesja per kete vit eshte dhenia e shperblimit te festave te fundvitit qe do te shperndahet duke filluar nga dita e sotme.
Shperblimi, mund te merret dhe ne janar
Pensionistet qe nuk do te arrijne dot te terheqin brenda afateve te percaktuara shperblimin per festat e fundvitit, mund ta marrin ate edhe gjate vitit te ardhshem. Nendrejtori i Pergjithshem i Institutit te Sigurimeve Shoqerore, Astrit Hado, deklaroi se ky shperblim u takon pensionisteve dhe ata do ta marrin ate ne cdo kohe. Keshtu, pensionistet qe per arsye te ndryshme nuk do te mund te terheqin shtesen prej 5 mije lekesh brenda muajit dhjetor, mund te paraqiten ne pikat e postes per ta marre ate ne muajin janar kur te kene daten e terheqjes se pensionit. “Asnje pensionist nuk duhet te shqetesohet, pasi kete shperblim, si ne rastin e shperblimit te vitit te kaluar, kane te drejte qe ta marrin edhe pas vitit te ri”, theksoi Hado. Tashme fondet e nevojshme dhe liste-pagesat kane shkuar prane zyrave te postes dhe kjo do te thote qe gjithcka eshte gati qe pensionistet te mund ta marrin te gjithe shperblimin prej 5 mije lekesh.
Paguani kontributet deri me 31 dhjetor
Te gjithe kontribuesit qe kane sigurime shoqerore te papaguara, duhet te paguajne detyrimet e tyre deri me daten 31 dhjetor. Astrit Hado, nendrejtori i Pergjithshem i ISSH-se, iu beri thirrje dje te gjithe personave qe kane periudha boshe, pra te pasiguruara mund t’i plotesojne ato pa paguar kamatevonese. “Deri ne kete date eshte ne fuqi ligji per faljen e kamatevonesave te sigurimeve shoqerore te papaguara”, deklaroi Hado, i cili theksoi se “derdhja e sigurimeve shoqerore sot do t’i garantoje kontribuesve nje pension pleqerie dhe te gjitha perfitimet e tjera neser kur te jene ne moshen e trete”. Data 31 dhjetor eshte edhe afati i fundit per pagesen e pa kamatevonese te sigurimeve shoqerore, pasi pas kesaj date periudhat e prapambetura do paguhen se bashku me gjobat perkatese per vonesa.
Grafiku i pageses se shperblimit:

Me date 21. 12.2007 do paguhen vetem ata qe kane daten e pensionit
Me date 22. 12.2007 do paguhen pensionistet e dates 1, 2 dhe 3 .12.2007
Me date 23. 12.2007 do paguhen pensionistet e dates 4, 5 dhe 6 .12.2007
Me date 24. 12.2007 do paguhen pensionistet e dates 7, 8 dhe 9 .12.2007
Me date 25. 12.2007 pushim per festen e Krishtlindjeve
Me date 26. 12.2007 do paguhen pensionistet e dates 10, 11 dhe 12 .12.2007
Me date 27. 12.2007 do paguhen pensionistet e dates 13 dhe 14 .12.2007
Me date 28. 12.2007 do paguhen pensionistet e dates 15 dhe 16 .12.2007
Me date 29. 12.2007 do paguhen pensionistet e dates 17 dhe 18.12.2007
Me date 30. 12.2007 do paguhen pensionistet e dates 19 dhe 20.12.2007
Pas ores 13:30 do te paguhen pensionistet qe u ka kaluar data e pensionit