Pensionet, rritja sipas kategorive

 

ADI SHKEMBI

Qeveria miraton rritjen e re të pagave dhe pensioneve për vitin 2010. Në mbledhjen e fundit të Këshillit të Ministrave u miratua buxheti i vitit të ardhshëm, sipas të cilit rritja e pagave do të jetë 4 për qind deri në 10 për qind, ku rritja më e madhe do të kalojë për pagat më të vogla, ndërkohë që rritja e pensioneve do të jetë 7-8 për qind në qytet dhe 15 për qind në fshat. Me rritjen e pagave ka përfituar edhe Presidenti Bamir Topi, paga e të cilit do të rritet me rreth 7,500 lekë në krahasim me vitin 2009. “Paga e Presidentit të Republikës është 250,000 lekë në muaj dhe, nga 1 korrik 2010, bëhet 257,500 lekë në muaj”, thuhet në nenin 12 të projektbuxhetit të miratuar në qeveri dhe që pritet që gjatë muajit nëntor të miratohet edhe në Parlament. Shpenzimet për personelin për vitin e ardhshëm janë parashikuar 64.6 miliardë lekë, në funksion të politikave të rritjes së diferencuar të pagave në sektorët prioritarë, arsim, shëndetësi dhe pagat e ulëta ose rreth 5 miliardë lekë më shumë se buxheti suplementar i vitit 2009.
Pensionet
Ashtu si edhe një vit më parë, rritjen më të madhe të pensioneve do ta përfitojnë ato të fshatit. Sipas parashikimeve të Qeverisë për barazimin e pensioneve të fshatit me ato të qytetit brenda këtyre katër viteve, pensionet në fshat do të rriten me 15 për qind, ndërkohë që pensionet në qytet do të rriten me 7 deri në 8 për qind. “Janë përcaktuar edhe këto objektiva specifike si:  Rritja e nivelit të përfitimeve të pensionisteve me 7-8% për qytetin dhe 15% për fshatin dhe shmangia e presioneve për pensione të parakohshme nëpërmjet përmirësimit të metodës së indeksimit të pensioneve, reformimit e plotësimit të sistemit të përgjithshëm të sigurimeve shoqërore me skema të tjera kompensuese. Përmirësimi i raporteve kontribuues/përfitues dhe pagë/pension si në nivelin minimal ashtu edhe në nivel maksimal”, thuhet në relacionin e buxhetit. Sipas statistikave të qeverisë, numri i personave që përfitojnë pension në vitin 2010 do të jetë 535.900 nga rreth 531.600 që është aktualisht, ndërkohë që mbi 25 mijë persona trajtohen me përfitime suplementare apo pagesa të tjera. Shpenzimet për pensionet gjatë këtij viti kanë qenë 62 miliard lekë (650 milion USD), me një rritje prej 2 miliard lekë për të përballuar rritjen e pensioneve, ndërkohë që gjatë vitit 2010, kjo rritje do të përballohet nga fondet e kontingjencës. Sipas tabelave të paraqitura nga qeveria të gjitha kategoritë do të përfitojnë rritje të pensioneve dhe ndihmave të tjera të ofruara nga shteti me përjashtim të shpërblimit për lindje, që tashmë u ka kaluar bashkive, shpërblimi i invalidëve të luftës dhe veteranëve.

Buxheti i Institutit te Sigurimeve Shoqerore

Instituti i Sigurimeve Shoqërore                    mijë leke
SHPENZIMET            2009        2010        Rritja ne %   
SHPENZIME PËR PËRFITIME    61,018,212    64,251,271        
Shpenzime per Sëmundje        293,000        322,000        9.9   
Shpenzime per Barrelindje        1,245,000    1,467,000    17.8   
Shpenzime per Barrelindje Qytet    900,771        1,073,000    19.1   
Shpenzime per Barrelindje Fshat    264,517        326,000        23.2   
Shpenzime per Shperblim Lindje    79,712        68,000        -14.7   
SHPENZIME PER PENSIONE    59,463,212    62,444,920    5.0   
Shpenzime per Pensione Qytet    48,817,719    50,665,587    3.8   
Pensione Pleqerie             39,876,059    40,991,510    2.8   
Pensione Invaliditeti             5,052,685    5,433,609    7.5   
Pensione Familjare             3,800,881    4,143,172    9.0   
Pagesa ne rast vdekjeje        88,094        97,296        10.4   
Shpenzime per Pensione Fshat    10,645,493    11,779,333    10.7   
Pensione Pleqërie             9,904,740    10,877,359    9.8   
Pensione Invaliditeti             321,973        398,047        23.6   
Pensione Familjare             398,582        482,884        21.2   
Pagesa ne rast vdekjeje        20,198        21,043        4.2   
Shpen. Aksidente dhe Sem. Profes.    17,000        17,351        2.1   
SHPENZ. PROGRAMET E TJERA    8,426,329    8,680,907    3.0   
Pensione Speciale e te Posaçme    85,038        99,118        16.6   
Shpërblime Invalid. Luftës e Veteran.    620,000        558,239        -10.0   
Shtese nga Statusi i Invalidit te Punes    39,500        39,680        0.5   
Kompensime                7,681,791    7,983,870    3.9   
Kompensime për Pensione Qytet    6,310,262    6,602,251    4.6   
Energji Elektrike            1,771,107    1,790,759    1.1   
Bukë                    663,977        676,029        1.8   
Ngarkesë                296,747        299,636        1.0   
Kompensim per te ardhurat e pension.    3,153,431    3,405,827    8.0   
Kompensim per energji elek. (500 leke)    425,000        430,000        1.2   
Kompensime per Pensione Fshat    1,371,529    1,381,619    0.7   
Energji Elektrike            412,554        416,046        0.8   
Buken                29,099        29,343        0.8   
Ngarkese                39,225        39,527        0.8   
Kompensim per te ardhurat e pension.    890,652        896,703        0.7   
SHPENZIME ADMINISTRATIVE    1,664,000    1,665,000    0.1   
A. Shpenzime korrente        1,443,715    1,513,037    4.8   
1. Paga, shperbl.,sig. shoq. personeli    845,090        891,821        5.5   
nga kjo      Fondi i Veçante        30,484        32,400        6.3   
nga kjo      Sigurime Shoqërore        117,258        121,438        3.6   
nga kjo      Honorare te bujkut        56,453        60,001        6.3   
2. Mallra dhe shërbime të tjera        598,625        621,136        3.8   
nga kjo Komis. te postes dhe bankave    443,229        460,455        3.9   
B. Aktive te Qëndrueshme ne Proces    220,285        151,963        -31.0   
Blerje - Inventar Ekonomik        98,080        60,000        -38.8   
Ndërtim - Montime            122,205        91,963        -24.7   
SHPENZIME PER SKEMA SUPLEM.    4,546,459    4,921,821    8.3   
Sigurime suplementare te ushtarakeve    3,288,555    3,325,624    1.1   
Perfitime nga statusi i deshm. atdheut    66,000        66,000        0.0   
Perfitime per pilotet flutu. ne pension    60,673        85,439        40.8   
Perfitime per pun. ndermarrjeve usht.    105,001        148,181        41.1   
Sigurime suplementare shteterore    299,002        350,657        17.3   
Perfitime trajtimin e veç.e minatoreve    339,858        466,680        37.3   
Perfitime detaret e nendeteseve pension    49,136        69,580        41.6   
Sigurime suplement. policise se shtetit    148,234        210,160        41.8   
Pagesa te tjera ( shpenzime varimi)    190,001        199,500        5.0   
TOTALI I SHPENZIMEVE (I+II)    75,655,000    79,519,000    5.1

Të dhënat e buxhetit

Buxheti për vitin 2010 është:
Të ardhurat         359 669 milionë lekë;
Shpenzimet         409 436 milionë lekë;
Deficiti                         49 767 milionë lekë.

Buxheti vendor për vitin 2010 është:
Të ardhurat               39 574 milionë lekë;
Nga të cilat:
Granti i pakushtëzuar nga buxheti
qendror             18 626 milionë lekë;    
Shpenzimet                    39 574 milionë lekë

Buxheti i sigurimeve shoqërore për vitin 2010 është:
l. Skema e sigurimit të detyrueshëm shoqëror.
Të ardhurat, gjithsej    74 597 milionë lekë;
Nga të cilat:
- kontributet        53 557 milionë lekë;   
- transferimet nga Buxheti i Shtetit   
            21 040 milionë lekë;
Shpenzimet        74 597 milionë lekë.