Pensionistet, si do behet rimbursimi i kartave te identitetit

Nje marreveshje mes Institutit te Sigurimeve Shoqerore dhe Postes Shqiptare, ka bere te mundur pajisjen e pensionisteve me karta identiteti, me lehtesisht. Keshtu, rreth 350 mije pensioniste qe nuk kane pasaporta do te mund te terheqin ne zyrat postare ku marrin pensionet, kuponin per pajisjen me leternjoftimet elektronike. "Pensionistet qe nuk kane aplikuar ende, do te pajisen me kete kupon diten e marrjes se pensionit. Te gjithe pensionistet qe jane pa pasaporte dhe qe kane pension minimal ne qytet dhe te gjithe pensionistet e fshatit, do te rimbursohen me 1000 leke, ndersa do t'u mbahet nga pagesa mujore ne momentin e terheqjes se pensionit, vetem shuma prej 200 lekesh", thuhet ne marreveshjen e nenshkruar dje mes dy institucioneve. Po sipas kesaj marreveshjeje, do te rimbursohen ne masen 400 leke, te gjithe personat pa pasaporte qe perfitojne pension pleqerie mbi pensionin minimal ne qytet, te plote, te pjesshem ose pension invaliditeti, si dhe personat ne ngarkim te tyre, te cilet jane pa te ardhura. Pagesa e kompensimit behet per aplikimet e kryera deri ne 20 qershor 2009, apo leternjoftimet e marra deri me 28 qershor 2009. Per aplikimet e bera pas dates 20 qershor 2009, kompensimi eshte i pavlefshem dhe cdo pagese e marre per kete qellim, eshte e paligjshme. Nga ana tjeter ata pensionit qe e kane perfunduar procesin e aplikimit per kartat e identitetit, do te mund te marrin kompensimin e caktuar nga qeveria, se bashku me pensionet ne datat perkatese. Per te marre kompensimin qe u takon pensionistet duhet te dorezojne ne zyrat postare ku edhe marrin pensionin, nje kopje te formularit te aplikimit ose te kartes se identitetit.