Pergjakja per pronen, pranga te dyshuarit, hetim dy grave

Cerrik- Perleshja e pergjakshme per pronen ne Cerrik eshte shoqeruar me nje vale arrestimesh dhe procedimesh penale nga policia e Elbasanit. Rreth ores 03:00 te mengjesit te djeshem, sherbimet e drejtorise se policise ndaluan Eduart Karameta, 44 vjec, i denuar nje here per vepren penale te “vrasjes me dashje”. Ai akuzohet se pas nje grindje banale per ceshtje pronesie, ka qelluar me sepate L. M., 26 vjec, me banim ne kete qytet. Policia ka nisur procedimin penal edhe per Lumturie B., 46 vjece, pasi per te njejtin motiv ka qelluar me mjete te forta te miturin A. O., 16 vjec. Burime zyrtare thane se procedimit penal nuk i ka shpetuar as Hurma M., 50 vjece, e cila nga ana e saj ka sulmuar me mjete te forta Lumturie B. Te plagosurit jane derguar ne spitalin e Elbasanit dhe ndodhen nen kujdesin e mjekeve, jashte rrezikut per jeten. Gjate marrjes ne pyetje te dyja palet kane akuzuar njera-tjetren per zaptimin e nje siperfaqe toke ne lagjen nr. 3 te Cerrikut. Ndaj autoreve eshte ngritur akuza per vepren penale te “plagosjes se rende me dashje” dhe hetimet po i kryen Prokuroria e Elbasanit.

F.Salliu