Përkeqësohet moti në veri dhe verilindje
Meteorologët parashikojnë që duke nisur nga dita e sotme dhe në vijim, vranësirat do të shtohen në të gjithë vendin. Në disa komuna të thella malore, bora nuk është shkrirë ende, megjithëse situata përmirësuar ndjeshëm.
Prefektja e Shbkodrës, Voltana Ademi, bëri të ditur se trashësia e dëborës e rënë pak ditë më parë vazhdon të mbajë të bllokuar komunat Shalë dhe Shosh të rrethit Shkodër, në akset rrugore të të cilëve vazhdohet të punohet me mjetet e ndërmarrjes rajonale të rrugëve. Ndërkohë, në rrugët komunale brenda komunave të mësipërme qarkullimi i automjeteve është bërë i mundur të kryhet.
Në rrethin Pukë, edhe pse forca të shumta të ndërmarrjes rajonale rrugore të mbështetura edhe nga strukturat e tjera vendore, vazhdojnë të punojnë intensivisht për hapjen e aksit rrugor të Iballë, kjo komuna akoma është e bllokuar. Ndërkohë, të gjitha komunat e tjera të këtij rrethi janë të zhbllokuara në të cilat po punohet për hapjen e rrugëve komunale. Në rrethin Malësi e Madhe ngelet i bllokuar fshati Vermosh i komunës së thellë malore Kelmend. Në aksin e kësaj rruge po punohet nga pjesa e doganës së shtetit fqinj të Malit të Zi e cila është hapur 4 km në drejtim të fshatit Vermosh.
Edhe në Qarkun e Kukësit, situata po shkon drejt përmirësimit ndërsa priten edhe reshje shiu. “Brenda ditës së sotme përfundon hapja e aksit rrugor Domaj-Drajrec duke shënuar kështu rihapjen e aksit rrugor Kukës-Peshkopi, ndërsa mbetet ende i pahapur vetëm segmenti rrugor Pac-qafë Luzhë-Ragam, pjesë e aksit rrugor Krumë-Bajram Curri", tha përgjegjësi i zyrës së emergjencës civile në prefekturën e Kukësit Azem Tema. Për disa zona të thella, ku trashësia e dëborës është mbi një metër, ende mbeten të izoluar 5 fshatrat e komunës së Arrnit si dhe disa fshatra të zonave të thella të rrethit të Kukësit e të komunave të Lekbibajt e Margegajt të rrethit të Tropojës. /Start/
2012-02-26 11:51
Prefektja e Shbkodrës, Voltana Ademi, bëri të ditur se trashësia e dëborës e rënë pak ditë më parë vazhdon të mbajë të bllokuar komunat Shalë dhe Shosh të rrethit Shkodër, në akset rrugore të të cilëve vazhdohet të punohet me mjetet e ndërmarrjes rajonale të rrugëve. Ndërkohë, në rrugët komunale brenda komunave të mësipërme qarkullimi i automjeteve është bërë i mundur të kryhet.
Në rrethin Pukë, edhe pse forca të shumta të ndërmarrjes rajonale rrugore të mbështetura edhe nga strukturat e tjera vendore, vazhdojnë të punojnë intensivisht për hapjen e aksit rrugor të Iballë, kjo komuna akoma është e bllokuar. Ndërkohë, të gjitha komunat e tjera të këtij rrethi janë të zhbllokuara në të cilat po punohet për hapjen e rrugëve komunale. Në rrethin Malësi e Madhe ngelet i bllokuar fshati Vermosh i komunës së thellë malore Kelmend. Në aksin e kësaj rruge po punohet nga pjesa e doganës së shtetit fqinj të Malit të Zi e cila është hapur 4 km në drejtim të fshatit Vermosh.
Edhe në Qarkun e Kukësit, situata po shkon drejt përmirësimit ndërsa priten edhe reshje shiu. “Brenda ditës së sotme përfundon hapja e aksit rrugor Domaj-Drajrec duke shënuar kështu rihapjen e aksit rrugor Kukës-Peshkopi, ndërsa mbetet ende i pahapur vetëm segmenti rrugor Pac-qafë Luzhë-Ragam, pjesë e aksit rrugor Krumë-Bajram Curri", tha përgjegjësi i zyrës së emergjencës civile në prefekturën e Kukësit Azem Tema. Për disa zona të thella, ku trashësia e dëborës është mbi një metër, ende mbeten të izoluar 5 fshatrat e komunës së Arrnit si dhe disa fshatra të zonave të thella të rrethit të Kukësit e të komunave të Lekbibajt e Margegajt të rrethit të Tropojës. /Start/
2012-02-26 11:51