Përleshje të reja në Turqi
Militantët kurdë kanë sulmuar gjatë natës postet ushtarake në juglindje të Turqisë, duke vrarë tre ushtarë turq.
Agjencia turke e lajmeve Anatolia njofton se gjatë përleshjeve kanë mbetur të vrarë edhe tre kryengritës kurdë.
Të armatosur me mortaja dhe pushkë, pjesëtarët e Partisë së Punës së Kurdistanit filluan bastisjet në Cukurca, në provincën Hakkari, një zonë malore në mes të kufirit iraniano-irakian, njoftojnë burimet e agjencisë së lajmeve, Reuters.
Ata thonë se ushtria turke ishte duke kërkuar për militantë në rajonin e kufirit turko-irakian.
PKK konsiderohet si grup terrorist nga Turqia, Shtetet e Bashkuara të Amerikës dhe Bashkimi Evropian.