Permbytja rruga e Velipojes hapet per mjetet e ushtrise
Nderkohe qe ne qytetin e Shkodres nuk behet fjale me per probleme me ujin pasi nga deklarimet e shtabit te emergjencave rezulton qe vetem 8 shtepi jane akoma te permbytura ne pjesen e Livadheve. E megjithate banoret e akomoduar neper konviktet e shkollave te qytetit te Shkodres akoma nuk jane larguar nga keto ambiente pasi po merren me pastrimin
e shtepive te permbytura dhe jane ne pritje te mberritjes se komisioneve te vleresimit te demeve. Ata kane kerkuar qe keto komisione te fillojne nga puna menjehere pasi shtepite duan te pastrohen mallrat e njesive tregtare duhen te vihen ne vend me qellim qe te vazhdojne jeten normale sa me shpejt te jete e mundur. Edhe mesimi ne shkollat e qytetit te Shkodres ka vazhduar normalisht me perjashtim te tre shkollave te mesme konviktet e te cilave jane te zena nga banoret e akomoduar si dhe shkollat e Shirokes dhe te Zogajve.
Ne komunen e Velipojes eshte bere i mundur qarkullimi i kamioneve te larte te policise dhe te ushtrise vetem nepermjet komunes Bushat tek rruga e Torovices pergjate argjinatures se saj per te vazhduar tek ura e Gjon Lulit mali i Jushit dhe ne Velipoje. Nepermjet kesaj rruge eshte kryer dhe levizja per ne komunen e Dajcit. Kalimi i mjeteve te larta ne Velipoje dhe ne Dajc ka bere qe te nderpriten furnizimet me ushqime dhe uje te pijshem ne rruge ajrore dhe te vazhdohet me rruge tokesore. Ne komunen e Dajcit situata ka permiresim ne krahasim me nje dite me pare pasi uji ka pesuar nje renie te konsiderueshme dhe per pasoje akset qe lidhin komunen e Dajcit me fshatrat Mushan dhe Suka-Dajc jane te kalueshme edhe keto me mjete te larta. Probleme ka pasur ne zonen e Obotit ku qarkullimi ka qene i veshtire pasi niveli i ujit eshte teper i larte per mjetet e larta te ushtrise dhe i ulet per mjetet lundruese me motore te medhenj.
SHKODER/ RITVAN DIBRA