Permbytjet e dhjetorit demi ne bujqesi 4 milione euro
Keshtu ka pohuar per mediat kreu i Drejtorise se Bujqesise dhe Ushqimit te qarkut Shkoder Guri Beshi. Sipas tij paralelisht me grupet e verifikimit te demeve ne banesat dhe bizneset e permbytura kane filluar nga puna edhe grupet e vleresimit te demeve te shkaktuara ne fushen e bujqesise dhe te blegtorise. Ne shkalle qarku jane ngritur 8 grupe pune te cilet po bejne evidentimin e demeve qe fermeret e qarkut te Shkodres kane pesuar gjate permbytjeve te dhjetorit. Ne zbatimin te vendimit te Keshillit te Ministrave per demet e shkaktuara ne sektorin e bujqesise grupet e punes per kete qellim kane filluar qe te henen te bejne vleresimet ne terren. Ne si Drejtori Rajonale e Bujqesise kemi ngritur 8 grupe pune ne te gjithe qarkun qe do te evidentojne demet qe u jane shkaktuar fermereve te qarkut te Shkodres si ato te fshatit por edhe atyre te qytetit. Keto grupe ne perberje te te cileve jane specialiste te fushave te ndryshme te bujqesise do te evidentojne demet e shkaktuara kryesisht ne bimet e mbjella ne fushe bazen ushqimore per bagetite si dhe per kafshet e ngordhura. Por Beshi ka sqaruar nepermjet prononcimit te tij se vleresimi i demeve per kulturen e foragjereve do te behet vetem per rastet e konstatuara kur ato kane rezultuar te mbjella ne fushe sic jane jonxha apo hasellet e ndryshme. Ndersa ne lidhje me bazen ushqimore per kafshet se shpejti pritet te dale nje vendim i vecante i qeverise i cili do te beje zbritjen nga shuma perfundimtare e demeve shumen e koncentrateve te ndryshme qe keta fermere kane perfituar falas per kafshet e tyre gjate gjithe kesaj periudhe permbytjesh. Ne lidhje me kete eshte menduar qe te konvertohet ne leke cmimi i bazes ushqimore qe u eshte dhene fermereve koncentrate. Nuk mund te perfitohet 2 here demshperblim per te njejtat kafshe dhe per te njejten periudhe ka pohuar Beshi. Ndersa ne lidhje me kultivimin e bimeve te mjedisit se bashku me grupet e vleresimit te demeve te bujqesise dhe te blegtorise do te jene edhe specialiste te Ministrise se Mjedisit te cilet do te bejne perllogaritjen e nivelit te demeve ne kete sektor. Me tej Beshi ka pohuar se ne baze te perllogaritjeve paraprake mendohet qe demi i shkaktuar ne te gjithe qarkun e Shkodres vetem per sektorin e bujqesise dhe te blegtorise mund te arrije ne vleren e 4 milione eurove. Permbytjet e muajit dhjetor ne qarkun e Shkodres pervec demeve ne banesa dhe biznese e godina social-kulturore ka perfshire edhe bujqesine dhe blegtorine. Sipas shtabit te emergjencave civile siperfaqja e permbytur e tokes bujqesore gjate muajit dhjetor ne qarkun e Shkodres e kaloi shifren e 15 mije hektareve.
SHKODER/ RITVAN DIBRA