Permbytjet ne Shkoder, nisi verifikimi i demeve

Nje grup prej 180 specialistesh, sot do te nise vleresimin e demeve qe u shkaktuan ne Qarkun e Shkodres nga permbytja me e madhe e shenuar ne dekadat e fundit. Janari i ketij viti nisi "mbrapsht" per kryeqendren e veriut, duke zhytur nen uje mbi 11 mije hektare toke e permbytur 2649 banesa. Do jete Keshilli i Qarkut te Shkodres, qe do te menaxhoje te gjithe procesin e vleresimit te demeve. Komisioni Nderministror, pas nje mbledhje disaoreshe ne ambientet e Prefektures te Shkodres pasditen e dy diteve me pare, percaktoi dhe planin e punes per ditet ne vazhdim. Ministri i Brendshem, Lulzim Basha beri me dije ne nje konference per shtyp, tri vendimet kryesore te marra ne kete takim. Sipas tij, eshte percaktuar grupi i punes per vleresimin e demeve, ne te cilin bejne pjese specialiste nga te gjitha institucionet: Pushteti vendor, ALUIZNI, Ministria e Bujqesise, Enti Kombetar i Banesave etj, te cilet do te nxjerrin dhe vleren e demeve, qe do te demshperblehen nga ana e qeverise.