Përmbytjet vënë në lëvizje Shtëpinë e Bardhë

Presidenti Barak Obama bëri me dije dje se, pavarësisht impenjimit për të nxjerrë vendin nga kriza ekonomike, administrata e tij do të vëzhgonte nga afër gjendjen e vështirë të shkaktuar nga ngritja e niveleve të lumenjve, situatë "që krijon kriza të reja, të cilat kërkojnë ndërhyrje urgjente". Trupa dhe mjete të shumta janë dërguar në Dakotën e Veriut, ku ujërat e Lumit të Kuq, të ngjitura në nivele shumë të larta, kanë detyruar autoritetet vendore të ndërmarrin misione evakuimi.