Përmet, dhuna në familje vetëm 3 raste të deklaruara për 2020

Në bashkinë e Përmetit gjatë vitit 2020 janë deklaruar dhe trajtuar vetëm tre raste të dhunës në familje . Kjo jo vetëm për shkak të kulturës dhe qetësisë që i karakterizon Përmetarët , por edhe sepse viktimat sidomos ato që banojnë në zonat më të thella kanë frik ta denoncojnë dhunën . Sipas specialistes së dhunës në familje  në bashkinë e Përmetit Klaudeta Dule , kjo ndodh pasi viktimat janë në gjëndje të rënduar ekonomike ,të papunë dhe pa një banesë tjetër ku të mund të strehoen larg dhunuesit të tyre .

“Gjatë vitit të kaluar kishim vetëm tre raste të dhunës në familje , që janë të deklaruara. Ka shumë raste të dhunës që vinë pranë zyrës tonë, unë mund tju jap zgjidhje dhe i drejtoj në gjykatë , tërhiqen pasi nuk kanë ku të shkojnë . Kemi pasur raste që kemi dhënë urdhër mbrojtjeje që kanë qënë në një shtëpi . Shpesh këto raste mbeten të fshehta.Ne bëjmë vazhdimisht fushata sensibilizuse në fasoneri shkolla etj… që ky fenomen most ë kaloj në heshtje ” .

Në qytetin e Përmetit prej disa vitesh funksionon edhe strehimi për viktimat e dhunës , ku strehoen për pak ditë gratë apo vajzat e dhunuara .Por për shkak të mungesës së pavarsisë ekonomike dhe vendeve të punës ato detyrohen të kthehen sërishtë në banesat e tyre ,dhe të bashkëjetojnë me dhunuesin.