Perplaset makina me pemen 2 te vdekur

Ngjarja ndodhi rreth ores 0630 ne rrugen nacionale Vlore-Fier ne zonen e Panajase ku per pasoje humben jeten 22-vjecarja Klaudja Hasani dhe 15-vjecari Edi Hasani.
Sipas policise tre persona qe ndodheshin ne automjetin tip Fiat me targa italiane BZ 415 NH kane qene duke udhetuar drejt Fierit kur ne nje kthese drejtuesi i mjetit ka humbur kontrollin duke u perplasur me nje peme anes rruges. Perplasja ka qene aq e forte sa solli vdekjen e menjehershme te dy pasagjereve si dhe plagosjen rende te drejtuesit te makines. Ne automjetin tip Fiat udhetonin tre persona nga Fieri shoferi Sami Hasani 28 vjec se bashku me dy familjaret e tij bashkeshorten Klaudja Hasani dhe nipin e tij Edi Hasani. Drejtuesi i mjetit pesoi plage te renda dhe ndodhet ne spital ende ne gjendje kome ndersa 22-vjecarja dhe nipi i tyre gjeten vdekjen e menjehershme beri te ditur policia e Vlores.
Policia mberriti ne vendngjarje menjehere pas sinjalit te dhene dhe beri keqyrjen e vendit. Ekspertet konstatuan paraprakisht se shkak i ketij aksidenti me pasoje vdekjen e dy personave ka qene shpejtesia e madhe e automjetit. Ata verejten shenja te nje frenimi te menjehershem ne rruge por drejtuesi 28-vjecar e ka pasur te pamundur te manovroje ne momentin qe mjeti i ka dale jashte kontrollit. Ai perfundoi jashte rruges duke u perplasur fort me nje peme te madhe qe ndodhet ne te dale te fshatit Panaja. Perplasja ka qene aq e forte sa mjeti thuajse eshte ndare me dysh. Burime te policise bene te ditur se dy viktimat kishin pesuar plage te renda dhe vdekja ka qene e menjehershme.  Mesohet se edhe nje makine tjeter qe tentoi te transportonte viktimat u aksidentua por pa pasoje per drejtuesin e saj. Policia beri te ditur se nje mjet i rastesishem tip Benz me targa VL 1282 D qe drejtohej nga shtetasi Hasan Hasani u nis te transportonte viktimat per ne spitalin e Vlores por eshte perplasur gjate rruges me mjetin tip Volkswagen Golf me targa PS 925 JJ. Fatmiresisht nga kjo ngjarje pati vetem deme materiale ndersa shoferet nuk pesuan plage. Burime nga spitali i Vlores bene te ditur se gjendja e 28-vjecarit Hasani eshte mjaft e rende dhe ende nuk mund te japin shprese per jeten e tij. Ai ndodhet ne gjendje kome per shkak te plageve dhe frakturave te marra nga perplasja.

VLORE/ QEMAL BIRAKU