Perplaset me murin, vdes drejtuesi i automjetit
Fier- Nje drejtues automjeti, eshte perplasur me nje mur duke gjetur vdekjen e menjehershme. Ngjarja ne fjale ka ndodhur rreth ores 16:00 te pasdites se diel ne lagjen "15 Tetori" ne vendin e quajtur "Kryqezimi i Grecallise". Sipas burimeve zyrtare te Drejtorise se Policise Qarkut Fier, mesohet se 24-vjecari Vilson Mekolli ka qene duke udhetuar me automjetin e tij tip "Fiat Bravo", ngjyre gri, me targa italiane. Ai ka qene duke ecur me shpejtesi tej normave te lejuara ne rruge te lagjes. Teksa ka dashur qe te shmang nje kanal, ai ka devijuar timonin e si pasoje eshte perplasur me nje mur rrethues duke pesuar demtime te medha ne koke. Kalimtare te rastit, te cilet kane qene te pranishem gjate momentit te perplasjes e kane marre Mekollin dhe e kane derguar per ne spitalin Rajonal te Fierit per te marre ndihem e pare mjekesore. Mekolli mesohet se ka humbur jete gjate rruges per ne spital. Policia e Qarkullimit Rrugor, si dhe eksperte te kriminalistikes, kane shkuar ne vendin e ngjarjes, ku kane kryer veprimet e para hetimore. Pas veprimeve te kryera ka rezultuar se, vdekja e 24-vjecarit Mekolli ka ardhur si rezultat i udhetimit te tij me shpejtesi, tej normave te lejuara te qarkullimit rrugor. Mekolli mesohet se si pasoje e perplasjes kishte marre plage te renda ne koke, te cilet kane qene fatale per te. Xh. Beharaj