Përurohet monografia për Hasan Prishtinën

Në bibliotekën e Shtëpisë së Kulturës në Skenderaj është përuruar monografia “Hasan Prishtina – Truri i Lëvizjes Kombëtare Shqiptare” nga autori Bedri Tahiri.

I përuruar në kuadër të aktivitetit “Java e dhurimit të librit” që u organizua nga Drejtoria për Kulturë, Rini dhe Sport dhe Biblioteka Komunale e Skenderajt, libri është vlerësuar lart nga të pranishmit, duke e cilësuar Prishtinën si figurën më të çmuar të historisë shqiptare.

Autori Bedri Tahiri ka theksuar kërkesën e tij për ngritjen e shtatores së Hasan Prishtinës në kryeqytet. “Këtë kërkesë e kam bërë edhe para 2 vitesh, në simpoziumin për Hasan Prishtinën, dhe shpresoj qe kjo të realizohet nga institucionet tona shtetërore, për t’i dalë sado pak hakut këtij heroi kombëtar", ka thënë Tahiri.