Perurohet rruga qe lidh Kamzen me Tiranen

Kryeministri Berisha inauguroi ne zonen periferike te Tiranes, fillimin e punimeve ne rrugen Instituti Bujqesor - Bulcesh. Ndertimi i ketij segmenti rrugor me nje gjatesi prej 2.6 kilometrash, i cili lidh bashkine e Kamzes dhe bashkine e Tiranes me komunen e Paskuqanit, do te permbaje edhe sistemin e rrjetit te energjise elektrike, telefonise, si dhe sistemimin e kanalizimeve te ujerave te bardha dhe te zeza. Gjate fjales drejtuar banoreve te zones, kryeministri u shpreh se qytetaret e periferise kane krijuar qytetin me modern te vendit. "Banoret e Kamzes, Paskuqanit dhe te gjithe banoret e ardhur nga te kater anet e vendit, nga Vaqari deri ne Zall-Herr, kane ndertuar qytetin me te madh dhe me te bukur te vendit, deshmi e energjise se tyre krijuese, deshmi e vendosmerise se tyre per te pasur nje jete me te mire", theksoi Berisha. Nisur nga kjo, kryeministri deklaroi se qeveria do te ndermarr te gjitha masat e duhura per te instaluar perfundimisht infrastrukturen moderne per kete zone. "Ne do te bejme cdo gje qe ju te gezoni kushtet e jeteses se nje qyteti modern, ndaj dhe infrastruktura moderne per ju, shkollat, pallati i kultures, pallati i sportit, qendra shendetesore, ujesjellesi, kanalizimet, energjia elektrike, ne do te investojme, deri ne ndertimin perfundimtar te nje infrastrukture moderne" premtoi Berisha, gjate fjales se mbajtur ne Kamze. Por sipas Berishes, kater vitet e ardhshme do te jene vitet e transformimit te madh, jo vetem per kete zone, por per te gjithe vendit, pa dalluar komunat nga qytetet.