Përzgjedhja e aplikantëve me kompjuter

Rastësisht kompjuteri do të zgjedhë individë nga të gjithë regjistrimet e kualifikuara. Të gjithë të regjistruarit për vizën e shumëllojshmërisë (DV-2012) duhet të hyjnë në faqen e internetit të E-DV-së te Kontrolli i Statusit të Regjistrimit, për të mësuar nëse regjistrimi i tyre është përzgjedhur në Lotari, ose për të mësuar nëse ata nuk janë të përzgjedhur. Të përzgjedhurit do të njoftohen për përzgjedhjen e tyre me anë të Kontrollit të Statusit të Regjistrimit, që do të rivihet në dispozicion, duke filluar nga 15 korriku 2011 në faqen e internetit të E-DV-së në www.dvlottery.state.gov. Të përzgjedhurit do të drejtohen për tek faqja konfirmuese që do t’u japë udhëzime të mëtejshme, duke përfshirë edhe informacion për pagesat, lidhur me emigracionin në Shtetet e Bashkuara. Kontrolli i Statusit të Regjistrimit do të jetë i vetmi mjet me të cilin aplikantët do të njoftohen për përzgjedhjen e tyre për DV-2012. Qendra Konsullore në Kentaki (KÇ) nuk do të postojë letra njoftimi. Të përzgjedhurit rastësisht nuk do të njoftohen më e-mail. Individët që nuk janë përzgjedhur do të njoftohen në internet, përmes Kontrollit të Statusit të Regjistrimit. Ambasadat dhe Konsullatat Amerikane nuk do të sigurojnë një listë të të përzgjedhurve.