Perzihen ujerat, rrezik epidemie

Shkoder- Uji i papaster rrezikon banoret. Femijet e vegjel jane me te ekspozuar per virozat e barkut dhe te vjellave qe mesa duket vijne nga uji i ndotur. Mungesa e rrjetit te kanalizimeve ka bere qe ujerat e zeza te ndotin puset e banoreve ne lagjen "Perlat Rexhepi" te qytetit te Shkodres. Qe prej nje viti e gjysme, 70 familje te kesaj lagjeje jane ankuar per zgjidhjen e problemit, por deri tani nuk eshte marre asnje mase nga drejtuesit vendore. Pjesetare te ketyre familjeve pohojne se ne mungese te kanalizimeve, perdorin puset e tyre per furnizim me uje te pijshem. Nderkohe, ndotja e ujit te puseve ka alarmuar banoret, te cilet shprehen se nga casti ne cast mund te shpertheje ndonje epidemi. Ata i kerkojne bashkise se Shkodres dhe Ndermarrjes se Ujesjelles-Kanalizimeve, qe te nderhyjne sa nuk eshte vone. "Situata eshte alarmante, pasi uji qe pime eshte i perziere me fekale. Jeta jone dhe e femijeve tane eshte ne rrezik", shprehet njeri prej banoreve, Ndoc Guri. Ai tregon se ne mungese te kanalizimeve te ujerave te zeza, njeri nga fqinjet ka bere derdhjen e ketyre ujerave ne pusin e shtepise se tij.

R.Ll.