Petraeus dorëzoi komandën

Gjenerali David Petraeus ka dhënë dorëheqje nga posti i tij si komandant i lartë i SHBA-së në Afganistan.

Petraeus, i cili shërbeu si komandant i forcës ndërkombëtare të udhëhequr nga SHBA-ja për një vit, ka lënë Afganistanin për të marrë postin e drejtorit të agjencisë CIA.

Në një ceremoni në Kabul, Petraeus i ka dorëzuar komandën John Alenit.

Dorëzimi i detyrës së tij vjen vetëm disa orë pasi një këshilltar i afërt i presidentin afgan, Hamid Karzai, u qëllua për vdekje gjatë një bastisjeje në shtëpinë e tij.