Lunaçek po qëndron në Kosovë

Raportuesja e Parlamentit Evropian për Kosovën, Ulrike Lunaçek, është duke qëndruar në Kosovë.

Ajo pritet të takohet me ministren për Integrime Evropiane, Vlora Çitaku, me të cilën do të bisedojë çështjen e liberalizimit të vizave.

Në një vizitë të mëhershme të sajën, Lunaçek pati shprehur skepticizmin e saj me pritjet e kosovarëve se hyrja në bisedime me Serbinë do t’i mundësojë Kosovës hyrjen në listën e bardhë Shengen.