Peza: Opozita nuk po ben detyren e saj

Gazetari Alfred Peza ka deklaruar se media nuk po behet pale e asnje force politike ne punen e saj gjate zbardhjeve te disa skandaleve te kohes se fundit. Sipas tij, eshte opozita ajo qe nuk po kryen rolin e saj duke i lene pershtypjen se media po mbron njeren apo tjetren pale politike.

“Opozita nuk po ben detyren e saj, por kete po e ben media. Opozita menjehere pas ngjarjes se Gerdecit bashkohet per te miratuar ndryshimet kushtetuese. Rama dhe Berisha bashkojne votat per te forcuar pozitat e tyre, reciprokisht, ne parti dhe qeveri”, eshte shprehur Peza ne “Top Story”.

“Ne nuk duhet te kemi kompleksin se po bejme lojen e opozites. Mediat po bejne lojen e tyre, ate te informimit”, theksoi Peza.

“Eshte tjeter ceshtje se nga puna jone po perfiton nje parti e caktuar politike. E keqja ne Shqiperi eshte se opozita nuk po ben rolin e saj dhe ndoshta media po jep te bindjen se elektorati s’duhet te votoje per partine ne pushtet”, shtoi Peza.

Edhe per Andi Bushatin “media nuk po behet pale e ndonje partie politike”.

Ndersa Ilir Babaramo sqaroi se eshte normale qe media te zbardhe skandale, edhe pse ne keto jane te perfshire eksponente te politikes.

“Ne jemi te detyruar te punojme dhe te investigojme. Dhe nese natyra e investigimit zbardh skandale te qeverise kjo eshte normale”, deklaroi Babaramo.