Pezullimi i dosjeve, Kushtetuesja do te paditet ne Gjykaten e Strasburgut

Ish-te denuarit politik, qe deri me sot kane gjetur strehe tek Gjykata Kushtetuese per pakenaqesite ndaj ligjeve, do ta padisin kete institucion ne Gjykaten per te Drejtat e Njeriut ne Strasburg. Kete here, nuk behet fjale per demshperblimin e tyre, per vuajtjet e sistemit komunist, por per vendimin me te fundit te Kushtetueses, per te pezulluar zbatimin e ligjit, per hapjen e dosjeve te ish-bashkepunetoreve te Sigurimit te Shtetit. Ne emer te shoqatave te ish-te perndjekurve, Bedri Blloshmi, lexoi dje vendimin e marre per padine kunder Kushtetueses. "Jemi thellesisht te zhgenjyer dhe te irrituar nga vendimi i marre nga Gjykata Kushtetuese. Pas ketij vendimi ne mbetemi i vetmi vend ne Evrope, qe nuk eshte ndare ende nga krimet e diktatures komuniste dhe nuk ka hapur dosjet e ish-bashkepunetoreve te Sigurimit te Shtetit", tha Blloshmi. Ndaj sipas tij, ish-te denuarve politike nuk u mbetet gje tjeter vecse te kerkojne te drejtat legjitime ne Strasburg ne Gjykaten per te Drejtat e Njeriut, kunder vendimit te Kushtetueses. Madje ata paralajmeruan dhe nisjen e protestave masive, kunder vendimeve klasore. Sipas Blloshmit, per kete ceshtje, nje grup avokatesh te njohur ne vend, po pergatisin padine qe do te depozitohet ne Strasburg. "Gjyqtaret kriminele, qe duhet te ishin para drejtesise per krimet e kryera ndaj njerezve te pafajshem, nuk e kane vendin ne Gjykaten Kushtetuese", u shprehen te perndjekurit. Sipas tyre, me te drejtat legjitime te te perndjekurve, nuk mund te tallen me, as Fehmi Abdiu dhe as Partia Socialiste qe ata e cilesuan si pasardhesen e Partise se Punes. "Ne i njohim persekutoret tane dhe i dime krimet qe kane kryer, sepse jemi ende gjalle dhe asnje vendim i standardeve te Sigurimit te Shtetit, nuk do na ndale te bejme zbardhjen e krimeve te tyre", vijoi Blloshmi. R. Rapushi