Pi helm ne pakujdesi, Vdes ne spital 10-vjecarja

ELBASAN- Nje e mitur ka gjetur vdekjen, pasi dyshohet se ka konsumuar helm perimesh nga pakujdesia. Burime zyrtare te policise bejne te ditur se, vajza me inicialet N. D., 10 vjece, me banim ne fshatin Selite te komunes Mollas, ka gjetur vdekjen mengjesin e dites se djeshme ne spital, ndersa ishte derguar me urgjence nga prinderit mbremjen e se premtes, ne gjendje te renduar. Vogelushen e kane gjetur prinderit, te cilet kane vene re shenjat e helmimit. Vetem mengjesin e djeshem, familjaret kane njoftuar edhe policine, e cila ka vendosur nisjen e hetimeve dhe berjen e ekspertizes. Trupi i vajzes eshte derguar ne morgun e spitalit te Elbasanit, ku eshte duke iu nenshtruar ekzaminimeve te ekspertizes per te percaktuar llojin dhe sasine e helmit te perdorur. Burime zyrtare te policise deklaruan se behet fjale per nje ngjarje aksidentale, pasi femija nuk e ka njohur helmin qe ka perdorur, duke e kaperdire ne pakujdesi. Gjithsesi per kete ngjarje, vijojne hetimet dhe po merren ne pyetje familjaret e se ndjeres.

F. Salliu

Kruje/ Shkaterrohet vendroja, shpetojne punonjesit