Pjanic s’largohet nga Lyon

Miralem Pjanic e ka shprehur dashurinë që ndien për Olympique Lyon. Mesfushori boshnjak, në fund të ndeshjes së parë çerekfinale kundër Bordeaux, ka thënë se nuk po mendon të largohet nga gjiganti francez.

“Do të bëj gjithçka që të mbetem në Lyon. Ka mundësi që të luaj këtu edhe gjatë gjithë karrierës. Për çdo rast, tash për tash, nuk ka asgjë të planifikuar. Mendoj për çdo gjë, por jo edhe për t’u larguar”, tha talenti 19 vjeç.