Plackiti ne fshatin minoritar, pranga Rucit

Tepelene- Nje 38-vjecar eshte ndaluar nga Policia e Tepelenes, tre vjet pasi ishte shpallur ne kerkim per nje vjedhje te kryer ne zonen minoritare te Dropullit ne Gjirokaster. I ndaluari eshte Ismail Ruci, banues ne fshatin Mamaj, qe dyshohet se ne daten 12 maj 2006, ka vjedhur me thyerje dyqanin e shtetasit E. K., ne fshatin Bularat, ku ka marre nje televizor, nje magnetofon te madh, nje ekspres kafeje, 30 karta rimbushese te kompanive celulare greke, disa pako me cokollata dhe 90 euro. Sipas grupit hetimor, e gjithe vlera e mallit te vjedhur kapte shifren e 170 mije lekeve. Ne lidhje me kete ngjarje, ne daten 6 shkurt 2007, Gjykata e Rrethit Gjyqesor Gjirokaster e ka denuar Rucin ne mungese, me 6 muaj burg. Nderkohe policia lokale dispononte informacion se diten e merkure i kerkuari po udhetonte ne nje fugon pasagjeresh ne rrugen Mamaj-Tepelene. Kane qene efektivet e Komisariatit te Policise Tepelene ne bashkepunim me specialistet e Seksionit Kunder Krimeve ndaj Prones, qe kane bere dhe ndalimin e tij. Sipas policise, gjate kesaj kohe i kerkuari mbante emer te rreme, per t'i shpetuar vezhgimit te policise. I ndaluari I.Ruci eshte denuar edhe nje here tjeter per vepren penale te "vjedhjes". Materialet i kaluan Prokurorise se Rrethit Gjyqesor Gjirokaster per veprime te metejshme.

B. Kore