Plagosi bashkëmoshatarin, arrestohet 34-vjeçari

Forcat e policisë së Lezhës kanë bërë të mundur ndalimin e 34-vjeçarit Hilë Jaku, 34 vjeç nga fshati Dajç.

Burime nga policia bëjnë me dije se arrestimi i tij u bë pasi ka qëlluar me thikë duke i shkaktuar plagë të lehta një bashkëmoshatari të tij me inicialet L.G 34 vjeç banues në fshatin Dajç të rrethit Lezhë.

E për këtë arsye, ky person ka qenë i shpallur në kërkim nga Komisariati i Policisë Lezhë që datën 29 dhjetor 2010, përmes një vendimi të posaçëm.

Materialet rreth tij do t`i referohen prokurorisë së Lezhës për veprën penale të “Plagosjes së lehtë me dashje” dhe “Mbajtjes pa leje të armëve të ftohta”, parashikuar nga nenet 89 dhe 279 të Kodit Penal.