Plagosje te fortesh ne Korce, dyshohet larje hesapesh

Korce- Rivaliteti mes te forteve rikthehet frikshem ne Korce. Pronari i nje hoteli ka plagosur me thike pas nje konflikti te vjeter kundershtarin e tij qe ishte dhe pronar i nje lokali ne zonen turistike. Policia nuk ka dhene asnje deklarate per ngjarjen ku mbeti i demtuar i njohuri me nofken "Niska", por krimi ka rikthyer ngjarjet qe kane te bejne me larje hesapesh te vjetra, duke kujtuar edhe perplasjet mes grupeve te "Pese dyqaneve" dhe "Cobeneve". Ngjarja ka ndodhur oret e vona te se henes ne periferi te qytetit te Korces, ndersa i demtuari mesohet se eshte 40-vjecari Dhionis Misha. Mesohet se pronari i lokalit ishte duke u kthyer nga mali i Moraves ku zhvillon aktivitetin privat. Burime te policise thane se 40 vjecari i njohur ne Korce me shkurtimin e emrit "Niska", eshte qelluar me thike ne trup ne afersi te depos se Ujesjellesit, ne periferi te qytetit. Nje person qe policia nuk i publikon emrin, megjithese e ka identifikuar, per shkak te nje konflikti me biznesmenin, e ka qelluar me thike ne trup duke i rrezikuar edhe jeten. Burime te rezervuara te policise thane se autor i dyshuar i kesaj plagosjeje ka qene nje pronar hoteli ne qytetin e Korces, i cili nuk identifikohet. Policia nuk e beri te ditur ngjarjen as ne njoftimin e saj per shtyp, nderkohe qe burime brenda institucionit thane se plagosja ka ndodhur midis "te forteve te Korces" dhe per hesape te vjetra. Dhionis Misho zoteron nje lokal me emrin "Stefania" ne malin e Moraves, kur eshte ndeshur ne unazen e jashtme te qytetit me nje person i cili e ka qelluar me arme te ftohte. "Ende nuk eshte arrestuar personi qe ka qelluar me thike Mishen, i cili eshte derguar me helikopter ne Tirane per shkak te gjendjes se renduar shendetesore", thane burimet e policise per gazeten. Kjo ngjarje ka rikthyer hijen e frikshme te krimeve qe cilesohen si larje hesapesh te vjetra ne qytetin e Korces. Policia nuk e beri te ditur zyrtarisht plagosjen me thika te 40 vjecarit, ndonese ne qytet perflitet autori i plagosjes se tij, qe nuk eshte arrestuar, duke u larguar pas krimit nga vendngjarja.

Heshtja

Ndersa edhe diten e djeshme pritej nje deklarate zyrtare e policise vendore te Korces, nje gje e tille ka munguar. Megjithese krimi ka bere buje dhe i plagosuri eshte regjistruar ne spital, nga ku u mor me helikopter, ngjarja perflitet nen ze mes policesh, duke mos pasur asnje emer autori apo te ndaluar per krimin.